Œзбекистон республикаси олий ва œрта махсус таълим вазирлиги

U⁽ⁱ⁺¹⁾= ВU⁽ⁱ⁾ + в (6.12)
(6.11) ёки (6.12) билан белгиланувчи итерация жараёни оддий итерция деб аталади.
Зейдел усули оддий инерция усулининг модификациясидир. Унинг оддий инерциядан асосий фарқи шунда иборатки, унда (к-1)-чи тугун кучланишининг (i+1) чи яқинлашишда топилган қиймати U⁽ⁱ⁺¹⁾_к-1 шу ернинг ўзида к-чи тугун кучланишининг (i+1) яқинлашишдаги қиймати U⁽ⁱ⁺¹⁾_к ни ҳисоблашда фойдаланилади. Шундай қилиб, бунда кучланишларнинг (i+1) чи яқинлашишдаги қийматлари қуйдагича ҳисобланади:

U₁⁽ⁱ⁺¹⁾= в₁₂U₂⁽ⁱ⁾+ в₁₃ *U₃⁽ⁱ⁾ +в₁ ;

U₂⁽ⁱ⁺¹⁾= в₂₁*U₁⁽ⁱ⁺¹⁾+в₁₃*U₃⁽ⁱ⁾ +в₂ ; (6.13)

U₃⁽ⁱ⁺¹⁾= в₃₁*U₁⁽ⁱ⁺¹⁾+в₃₂*U₂⁽ⁱ⁺¹⁾ +в₃;
n та мустақил тугунга эга бўлган электр системасининг к-чи тугуни кучланишининг (i+1)-чи яқинлашишдаги қийматини, оддий итерация ва Зейдел усулларидан фойдаланилганда, топиш формулалари мос равишда қуйдаги кўринишда бўлади.
(6.14), (6.15)
Оддий итерация усули Зейдел усулига нисбатан хеч қандай афзалликка эга бўлмаганлиги сабабли электр системалари турғун холатларини ЭҲМда амалий ҳисоблашларда доимо оддий инерция усули эмас, балки Зейдел усулидан фойдаланилади.
Агар Зейдел усули тез яқинлашса ва n тартибли системани ечишда n қадамдан кам талаб этилса, у ҳолда ЭҲМда ҳисоблашда аниқ усуллардагига нисбатан, масалан Гаусс усулидагига нисбатан, кам вақт талаб этилади. Бу шундан келиб чиқадики, Зейдел усули бўйича ҳисобланганда битта қадамни амалга ошириш учун талаб этилувчи арифметик амаллар сони n² га туғри пропорционал бўлса, аниқ усул, масалан Гаусс усули, бўйича ҳисоблаганда барча арифметик амаллар сони n³ га туғри пропорционал. Келтирилган нисбат тугун ўтказувчанликлари матрицасининг заиф тўлалиги ҳисобга олинмаган тақдирда ўринлидир. Шу билан бир қаторда бу фактор ҳисобга олинса ҳам Зейдел усули, агар у тез яқинлашса, аниқ усулларга нисбатан кам ЭҲМ вақтини талаб этади.
Зейдел усулининг муҳим афзаллиги алгоритмнинг соддалиги ва уни ЭҲМда амалга оширишнинг қулайлигидан иборатдир. Хусусан у тугун ўтказувчанликлари матрицасининг заиф тўлалигини ҳисобга олганда эффективдир, чунки ушбу усулда бу факторни ҳисобга олиш алгоритми жуда соддадир.
Зейдел усулининг асосий камчилиги унинг секин яқинлашиши ёки ҳатто унинг бўйлама компенсацияловчи қурилмаларга, ўрта кучланиш чулғами қаршилиги жуда кичик бўлган уч чулғамли трансформаторларга эга бўлган тармоқларнинг турғун ҳолатларини, шунингдек чегаравий ва турғунмас холатларни ҳисоблашда узоқлашишидир (яқинлашмаслигидир)


Синов саволлари
1. Электр тармоқнинг пассив элементларига нималар киради?
2. Электр тармоқнинг актив элементларига нималар киради?
3. Тугун кучланишлари тенгламалари қандай қонун асосида тузилади?
4.Қандай ҳолларда тугун тенгламалари тўғри чизиқли куринишда бўлади?
5. Электр тармоқнинг ҳолати қандай мақсадларда ҳисобланади?
6. Электр тармоқнинг барқарор (турғун) ҳолати нима билан характерланади?
7. Электр тармоқ ҳолатини ҳисоблашнинг тўғри усулларига қандай усуллар киради?
8. Электр тармоқ ҳолатини ҳисоблашнинг итератив (кетма-кет яқинлашиш) усулларига қандай усуллар киради?
9. Кетма-кет яқинлашиш усулларининг афхзаллик ва камчиликлари нималардан иборат?
10. Электр тармоқлар ҳолатларини ҳисоблашда тугун кучланишлари тенгламаларидан фойдаланишга асосланган усулларнинг афзалликлари нималардан иборат?