Њзбекистон республикаси олий ва њрта махсус таълим вазирлиги

Тушунчаларни чегаралаш ва умумлаштириш
Тушунчаларни чегаралаш ва умумлаштириш тушунчалар устида олиб
бориладиган амаллар ҳисобланади. Улар тушунчанинг мазмуни ва ҳажми
ўртасидаги тескари нисбат қонунига мувофиқ ҳолда амалга оширилади.
Тушунчани чегаралаш ҳажми кенг тушунчадан ҳажми тор тушунчага
(жинс тушунчадан тур тушунчага) фикран ўтишдан иборат. Масалан, «механик
ҳаракат» тушунчасидан «айланма ҳаракат» тушунчасига ўтсак, унинг ҳажмини
чегаралаган бўламиз. Чегаралашда берилган тушунча – «механик ҳаракат» жинс
тушунча, деб қабул қилиниб, унинг мазмунига тур тушунча ҳосил қилувчи
белгилар қўшилади. Натижада унга нисбатан тур ҳисобланган янги тушунча –
«айланма ҳаракат» тушунчаси ҳосил бўлади.
Чегаралаш амалини давом эттириб, «Ернинг ўз ўқи атрофида айланиши»
тушунчасига ўтиш мумкин. Демак, чегаралаш давомида ҳосил бўлган ҳар бир янги
тушунча аввалгисига нисбатан тур тушунча бўлади. Чегаралаш амали якка
тушунча ҳосил бўлгунча давом эттирилиши мумкин. Чунки якка тушунчага
нисбатан тур бўлган тушунча йўқ.
Тушунчани чегаралаш амалининг тузилмаси қуйидагича:
А – Ҳаракат.
В – Механик ҳаракат.
С – Айланма ҳаракат.
Д – Ернинг ўз ўқи атрофида айланиши.
Тушунчани умумлаштириш ҳажми тор тушунчадан ҳажми кенг тушунчага
(тур тушунчадан жинс тушунчага) фикран ўтишдан иборат. Бунда берилган
тушунча тур тушунча деб қабул қилиниб, унинг мазмунидан тур ҳосил қилувчи
белгилар чиқариб ташланади. Натижада мазмун жиҳатидан унга нисбатан торроқ,
лекин ҳажмига кўра кенгроқ бўлган жинс тушунча ҳосил бўлади. Масалан,
«айланма ҳаракат» тушунчаси мазмунидан фақат унгагина хос бўлган тур
белгиларни чиқариб ташласак, «механик ҳаракат» тушунчасини ҳосил қиламиз.
Умумлаштириш амалининг чегараси энг умумий тушунча, яъни категориядир.
Чунки категориялар учун жинс бўлган тушунча йўқ.
Тушунчани умумлаштириш амалининг тузилмаси қуйидагича:
А – Ернинг ўз ўқи атрофида айланиши.
В – Айланма ҳаракат.
Д
С
В
А
Д С
В

---

69
С – Механик ҳаракат.
Д – Ҳаракат.
Тушунчани чегаралаш ва умумлаштириш амаллари кундалик ҳаётимиз ва
илмий билишда кенг қўлланилади. Хусусан, барча категориялар, улар ёрдамида
ифодаланадиган назарий қонунлар, ғоялар, назариялар мавжуд эмпирик
тушунчаларни, эмпирик қонунларни умумлаштириш натижасида ҳосил бўлади.
Умумлаштириш муҳокама юритиш жараёнида индуктив хулоса чиқариш
усулида яққол ифодаланган бўлади. Тушунчаларни умумлаштиришсиз фаннинг
фундаментал тушунчаларини яратиб бўлмайди; мавжуд билимларни тизимга
солиш қийин ва умуман, фан тараққий эта олмайди.
Тушунчаларни чегаралаш амали эса, яратилган умумий билимларни
(назарий тушунча, ғоя, назария ва шу кабиларни) талқин этишда ишлатилади.
Масалан, Ньютон механикасидаги «Инерция» тушунчаси Галилей назариясидаги
«Эркин тушиш» тушунчаси ёрдамида тушунтирилиши мумкин.