Збекистон республикаси олий ва ўрта махсус таълим вазирлиги

Фаннинг ўқув режадаги бошқа фанлар билан ўзаро боғлиқлиги
ва услубий жиҳатдан узвийлиги

Махсус фанларни ўқитиш услубиёти соғлиқни сақлаш соҳаси таълим тизимига тиббий педагогик кадрларни тайёрлашда энг муҳим фанлардан бири ҳисобланади. Дастурни амалга ошириш ва етарли даражада билимга эга бўлиш учун магистратура мутахассисликлари ўқув режасида келтирилган умум методологик (соғлиқни сақлаш менежменти ва иқтисодиёти, педагогик технологиялар ва педагогик маҳорат, ахборот тизимлари, нутқ маданияти, амалий хорижий тил) фанлардан етарли билим ва кўникмаларга эга бўлишлик талаб этилади.

Фаннинг илм-фан, ишлаб чиқариш ва соғлиқни сақлашдаги ўрни

Махсус фанларни ўқитиш услубиёти – соғлиқни сақлаш соҳаси, таълим тизимида фаолият кўрсатувчи юқори малакали, замонавий таълим технологияларини эгаллаган шифокор - педагогларни тайёрлашда катта ўрин эгаллайди.

Бунда таълим технологиялари, таълим усули, шакллари, замонавий таълим воситаларининг клиник фанларнинг ўзига хос хусусиятларидан келиб чиққан ҳолда ҳамда замонавий таълим технологияларига асосланган педагогик тизим тузилмасини олий тиббий таълим муассасаларига ишлаб чиқади ва амалга оширади.


Фанни ўқитишда замонавий ахборот ва педагогик технологиялар

Магистрантлар махсус фанларни ўқитиш услубиётини ўзлаштиришлари учун ўқитишнинг илғор ва замонавий усулларидан фойдаланиш, янги информацион-педагогик технологияларни тадбиқ қилиш муҳим ахамиятга эгадир. Фанни ўзлаштиришда дарслик, ўқув ва услубий қўлланмалар, маъруза матнлари, тарқатма материаллар, компъютер дастурлари, электрон материаллардан фойдаланилади. Амалий машғулотларда мос равишдаги илғор педагогик технологиялар қўлланилади (ақлий ҳужум, қора қути, ўргимчак ини, гуруҳли фикрлаш, кичик гурухлар ва х.к).

АСОСИЙ ҚИСМ
Фанга кириш
Махсус фанларни ўқитиш услубиёти предмети таълим технологиялари, таълимнинг психологик асослари, ўқитишнинг замонавий усуллари воситалари ва шаклларини ўрганади ва уни бўлғуси педагогларга мазмун моҳиятини тушунтиришда уларда кўникма ҳосил қилишда катта аҳамият касб этади. Ушбу фанни ўрганишда талаба магистрлар педагогик технологиялар ва педагогик маҳорат, тиббий биологик фанлар, умумкасбий фанлар, клиник фанлар ва ўзи эгаллаётган ихтисослик фани бўйича чуқур билим ва кўникмаларга эга бўлиши лозим.