Ўзбекистон республикаси олий ва ўрта махсус таълим вазирлиги ҳузуридаги олий таълим тизими педагог ва раҳбар кадрларини қайта тайёрлаш ва уларнинг малакасини оширишни ташкил этиш

3. Тахлил имкониятлари.
Инфрақизил-спектроскопик тахлилдан қуйидагиларни текширишда фойдаланилади:
а) кимёвий бирикмалар;
б) минераллар;
в) тупроқлар;
г) кимё саноати материаллари;
д) хом-ашъёлар ва бошқалар.
Текширишдан кузатилган мақсад:
1) Бирикма, минерални диагностика қилиш учун (сони, парчаланиши ва полосаларининг ҳолати бўйича);
2) Ярим миқдорий кимёвий таркибни аниқлаш учун
3) Кристалл ёки аморф моддаларнинг кристалланиш даражасини аниқлаш учун.
4) Моддадаги мураккаб группаларнинг тахлили
5) Моддаларнинг қиздириш ва бошқа турли реакцияларда ўзгариш жараёнини (янги модда пайдо бўлиши, фазалар аралашмаси, оралиқ маҳсулотлар, диссоциация ва бошқалар) ўрганиш учун.
7) Минерал структурасидаги сувнинг ёки намликнинг шакли ва турини аниқлаш учун.
8) Структуранинг тартиблилиги ва тартибсизлилиги (тартибсизлик ҳолатида полосалар чўзилган ва интенсивлиги пасайган бўлади)ни аниқлаш учун.
9) Фазалар ёки қўшимчаларнинг миқдорини аниқлаш (жуда ҳам аниқ эмас) учун.
10) Полиморф ўзгаришларни ва нуқталарни ҳамда Кюри нуқталарини (сегнетоэлектрик- BaTiO₃ ) аниқлаш учун.
11) Кристалл фаза ёки шишани (масалан, оптик шишалар) бир таркиблилигини назорат этиш учун.
ИҚС тахлил натижаларидан намуналар:



19-расм. Синтетик мелилитларнинг ИҚ нур ютиш спектрлари:
1-Ca₂SiAl₂O₇; 2- Sr₂SiAl₂O₇.



20-расм. Кристалларнинг ИҚ нур ютиш спектрлари:
1-CaSiO₃; 2-La_9,34(SiO₄)₆O₂; 3-Ca₁₆La₈Al₈Si₁₆O₇₂; 4-Ca₁₆Nd₈Al₈Si₁₆O₇₂.
Инфрақизил спектроскопия усули аппаратлари.
Бу усулда қўлланадиган жихозлар спектрометр ёки спектрофотометр деб аталади. Ушбу приборлар ёрдамида нур чиқиш интенсивлилиги ўлчанади ва улар детекторли қурилмага фокусировка қилинади. Диспергирлашган элемент-нинг турига қараб улар уч асосий классларга ажралади:
1. Призмали;
2. Дифракционли;
3. Комбинировкалашган призма-дифракционли.
Группа ёки радикалларга оид маълумотлар, катионларнинг анионлар билан берадиган валент тебранишларини аниқлашда инфрақизил спектроскопик тахлил яхши натижа беради. Инфрақизил нурларни ютиш ва қайтариш спектрлари билан қаттиқ модда таркибидаги комплекс группалар ва радикаллар тузилиши орасида назарий боғлиқлик бор. Шу боғлиқлик текширилаётган модда билан эталон инфрақизил спектрларини солиштириш ва бошқа усуллар орқали амалга ошади.