Ўзбекистон республикаси олий ва ўрта махсус таълим вазирлиги ҳузуридаги олий таълим тизими педагог ва раҳбар кадрларини қайта тайёрлаш ва уларнинг малакасини оширишни ташкил этиш

Тахлилда аниқланадиган асосий хусусиятлар.
1. Нур синдириш кўрсаткичи (n ёки N). Нур синдириш кўрсаткичи Снеллиус ва Ньютон текширишлари бўйича нур тушиш бурчаги синусининг нур синиш бурчаги синуси нисбатига айтилади. У биринчи мухитдаги ёруғлик тезлигининг иккинчи мухитдаги ёруғлик тезлиги нисбатига тенг.
n _{абсолют} = sin i / sin r = v_бўшлиқ / v_мухит ,
бунда: n _{абсолют} - маълум сон бўлиб, у нур синдириш кўрсатгичи деб аталади; v₁ ва v₂ - тушиш ва синдирилиш мухитларидаги нурнинг тезлиги.
2. Кристалларнинг иккиланиб синдириш кучи. Кристалл сингониялари турига қараб ҳар турли бўлади:
1-чи - Юқори -Кубик сингонияда - нурни иккиланиб синдириш кучи куза-тилмайди.
2-4чи – Ўрта- Гексагонал, тригонал, тетрагонал- сингонияларда бир ўқли, нурни иккиланиб синдириш кучи мавжуд. Улардан бири n_o ёки N_o деб белгиланади. У нур тарқалиши қонунларига бўйсинади ва ҳамма йўналишларида бир хил тезликка эга.
Иккинчи нур ўзиининг нур синдириш кўрсаткичини ўзгартирадиган йўна-лишга эга бўлиб, n_e ёки N_e ҳарфлари билан белгиланади.
5-7- Қуйи- Ромбик, моноклин, триклин сингонияларда - N_g, N_m ва N_p мавжуд бўлиб, бунда N =N_g-N_p бўлади.
3. Чўзиқ кристалларнинг сўниш тавсифи. Ёқилган анализаторлар билан ҳар 90^о да қайтарилади.
Тўғри сўниш 5 та сингония - кубик, гексагонал, тетрагонал, тригонал, ромбик сингониялар учун характерлидир.
Тўғри ва эгри сўниш фақат 1 сингония - моноклинга таалуқли.
Факат эгри сўниш бир сингония - триклин кристалларига хос.
4. Габитус. Турли-туман минераллар габитуси, яъни ташки кўриниши бир-биридан тузилишига кўра фарқланади:
Кубик сингонияли кристаллар - изометрик ва квадрат кўринишида;
Гексагонал сингонияли кристаллар -олтибурчак, думалоқ доначалар ва призматик кўринишида.
Тетрагонал сингонияли кристаллар - квадрат, жадвал, думалоқ доначалар, саккизқиррали ва пластинкасимон кўринишида.
Тригонал сингонияли кристаллар - учбурчак доначалар шаклида;
Ромбик сингонияли кристаллар- ромба, брусок шаклида ва тўғри бурчакли кўринишида;
Моноклин сингонияли кристаллар - тангачасимон, тўғри бурчакли, брусок шаклида, игнасимон ва толали кўринишида;.
Триклин сингонияли кристаллар - шакли аниқ бўлмаган доначалар
кўринишида бўлади.