Ўзбекистон республикаси олий ва ўрта махсус таълим вазирлиги урганч давлат университети «технология асослари» кафедраси

15-Маъруза. Асосий технологик жиҳозларни таъмирлаш
Режа:

1. Пластинали иситкичларни таъмирлаш.

2. Майдалагичларни таъмирлаш.
3. Қуриткичларни таъмирлаш.
4. Вакуум-буглаткич ва пастеризаторни таъмирлаш.


Пластинали иситгичларни таъмирлаш
Нуқсонли пластиналарни алмаштиришда улардан ўнг ёки чаплигига эътибор бериш лозим(47- расм). Янги пластиналар тайёрловчи - завод томонидан таъминланадиган тешиксиз пластиналардан тайёрланади. Эксплуатация пайтида асосан резина прокладкалар ишдан чиқади. Бунинг асосий сабаби секциялардаги маҳсулот ва сувдан юқори температураси ёки рассолнинг агрессивлиги, шунинглек механик шикастланишлар бўлиши мумкин.

47-расм. Иссиқлик алмашиниш пластинаси.
а- ўнг кўринишидаги П-2 типли, б-чап кўринишими П-3 типли; 1- кичик резина прокладка, 2-бурчак тешиклари, 3- катта фигурали прокладка.

Агар пластиналар максимал сиқилгада (ҳар бир пластинага 0,2 мм) суюқлик оқиши тўхтамаса, прокладка алмаштирилади, бунинг учун аппарат очилади, пластинадан резина прокладка олиб ташланади ва пластина гилофи, янги прокладка БР-1 маркали бензин билан ювилади.

Прокладкаларни елимлашда 78- БЦС типидаги елимдан фойдаланилади. Бунинг учун елим дастлаб аралаштирилади. Прокладка ва гилофда жилвир қогоз ёрдамида гадир-будирликлар ҳосил қилинади. БР-1 бензини билан ёгсизлатирилади, 10-15 минут қуритилади. Сўнгра гилоф ва прокладкага кисточка ёрдамида елимнинг 1 қатлами суртилади. Бунда елим қатламида ҳаво пуфакчалари бўлмаслиги лозим. 10 минут қуритилиб, иккинчи қатлам елим суртилади ва 1-3 минут давомида қуритилади.
Прокладкани эҳтиёт бўлиб, гилофга жойлаштириб қўл билан қисилади ёки резина ролик думалатилади. Юксиз 24 соат давомида ушлаб турилиб, пластинадаги ортиқча елим артиб олинади, талк сепилиб пластиналар йигилади. Сўнгра 0,35 МПа босим остида совуқ сув билан синовдан ўтказилади. Сўнгра аппарат очилади, кузатилади, елимнинг ортиқчаси артиб ташланади ва қайта йигилиб ишга туширилади.