Ўзбекистон республикаси олий ва ўрта махсус таълим вазирлиги урганч давлат университети «технология асослари» кафедраси

Поршенли насосларни таъмирлаш.
Асосан қуйидаги деталлар ишдан чиқади: цилиндр ва поршенли ҳалқа сирти, поршен штоки ва ёъналтирувчи втулка; клапан ва салник зичлагичларнинг қистирмаси.
Насос цилиндри унинг сиртида 0,1 мм. ошадиган даражада гадир-будирлик бўлган тақдирда таъмирланади. Цилиндрга токарлик станогида ишлов берилади. Штокнинг ташқи сийқаланган сирти жилвирланади. Шток таъмирлангандан сўнг, салник зичлагич втулкаси ва устун втулкаси янгисига алмаштирилади. Штокнинг салник зичлагичлари (цилиндрнинг юқори қисмида жойлашган) янгисига алмаштирилади.
Таъмирланган поршенли насослар қуйидаги талабларга жавоб бериши керак: цилиндр эллипслиги ва конуслиги 0.02 мм. ошмаслиги, ишчи сирти текис ва силлиқ бўлиши лозим. Насосни йиққандан сўнг, суюқлик юборилиб, герметикликка синалади.
Вентиляторларни таъмирлаш
Вентиляторларда кўпинча қуйидаги нуқсонлар ва носозликлар кузатилади.
1) Вентилятор валининг электродвигател вали билан нотўгри центровка қилиш, ротор вибрацияси ёки мойлашнинг камлиги натижасида подшипниклар ва вал бўйнининг сийқаланиши;
2) Чанг, температураси юқори бўлган газлар таъсири натижасида гилдирак паррагининг ва кожухнинг сийқаланиши.
Вентиляторларни таъмирлаш учун алоҳида қисмларга ажратиб, подшипниклар, вал, кожух, ротор парраги астойдил кўриб чиқилади.
Подшипниклар валда тўгри зич ўтириши учун улар даставал ванада минерал мой билан 90 С гача қиздирилади. Подшипниклар юқорида айтилгандек ўрнатилади.
Валларни таъмирлашда унинг бўйинчаси пайвандлаш ва жилвирлаш йўли билан тикланади. Бунда вал синмаслигининг олдини олиш керак.
Вал бўйни ва цапфа қисмлари метализация йўли билан таъмирланади, бунда солинадиган қатлам қалинлиги 10 мм. дан ошмаслиги лозим. Қийшайган валлар совуқ ёки иссиқ усуллар билан тўгриланади. Иссиқ усул вал диаметри 50 мм. ва ундан катта бўлган тақдирда ишлатилади. Шпонка ариқчалари, узилган резбалар юқорида айтилган йўл билан таъмирланади.
Марказдан қочма вентиляторлар Cм4, Cм5,Cм45 пўлатдан тайёрланади.