Ўзбекистон республикаси олий ва ўрта махсус таълим вазирлиги урганч давлат университети «технология асослари» кафедраси

Майдалагичларни таъмирлаш
Сепарторнинг асосий тез ишдан чиқадиган қисмлари марказдан қочма фрикцион муфта колодкалари, шарикли подшипниклар, таянч пружиналари, червякли гилдирак, прокладкадан иборат.
Майдалагичнинг кичик таъмирида, уни фундаментдан олмасдан накладкалар алмаштирилади. Пружиналарнинг биртасида нуқсони бўлса, улар тўлиқ алмаштирилади. Агар пружиналардан биртаси алмаштирилса, унинг бикрлиги катта бўлганлиги учун веретена бир текис айланмайди ва вибрация вужудга келади.
Зичлагич ҳалқалар ва прокладкалар, нуқсонли болт, винт, шпилка, штифтлар алмаштирилади.
Капитал таъмирлашда майдалагич тўлиқ очилади ва червяк гилдирак, веретено, горизантал вал, подшипник тўлиқ алмаштирилади. Шунингдек барабан ва марказдан қочма фрикцион муфта мувозанатлаштирилади.
Сепарторни алохида вертикал ва горизантал валлар гуруҳлари бўйича ажратиш қулай.
Ажратишдан олдин электродвигател манбадан узилади, мойи тўкилади ва артилади.
Подшипникларни ва пружинани алмаштириш мақсадида веретена гуруҳи қисман, червяк гилдирак ва подшипникларни алмаштириш мақсадида горизантал вал тўлиқ ажратилади.
Веретена гуруҳини ажратишда ундан лабиринт зичлагич қопқоги очилади ( 48- расм). Таянч корпусини станинага бириктирувчи болт 29 очилади. Эҳтиётлик билан, горизонтал вал тишли гилдирагини шикастланмасдан веретено таянч корпус ва подшипниклар билан биргаликда станинадан чиқарилиб олинади.

-расм. ОСП майдалагичининг вертикал вал гуруҳи.

1. 
   қалпоқчали гайка, 2-винт, 3-лабиринт зичлагич қопқоги, 4-устки қопқоқ, 5-ҳимоя гайкаси; 6- қайтаргич, 7-пружина қалпоги, 8,18- пружина, 9-20 стакан, 10-15- шарикоподшипник, 11- веретено,12- шпонка, 13- шестерня,14-втулка, 16- таянч, 17-штифт, 19- ростлаш шайбаси, 21,24,25, 30 - прокладка, 22 - подпядник қопқоги, 23 - тиқин, 26 - подшипник обоймаси, 27 - таянч корпуси, 28 - пружина шайба, 29 - болт, 31 - таянч корпуси қопқоги.
   

Шарикоподшипник 10 дан таянч корпуси 27 ажратилади. Таянчни ажратиш учун қалпоқчалар 7 буралиб, пружина 8 ва обойма 26 олинади. Зарурат бўлмаса подшипникни веретено 11дан ажратиш шарт эмас.

Пружиналарни алмаштиришда улар бикрлигининг бир хиллигига эътибор бериш лозим. Бунинг учун баландлиги бўйича чизиқли ўлчамлари 0,3 мм. дан ортиқча фарқ қилмайдиган пружиналар комплекти танланади.
Шестерна 13 ни алмаштириш учун съемник ёрдамида веретено 11 дан подшипник 15, втулка 14 ва шестерня 13 ажратилади.
Йигиш ажратишга тескари тартибда амалга оширилади.
Горизонтал вал гуруҳи қисмлар бўйича ажратилади
Марказдан қочма муфтани кўздан кечириш учун станинанинг электрдвигателдан қарама-қарши томондаги қопқоги очилади. Накладкалар ейилганда барча накладка ва колодкалар вазни ўлчанади. Вазндаги фарқи 3 г.дан ошмаслиги лозим.
Тишли гилдирак тишларидан ¹/₃ қисми ейилган бўлса, у алмаштирилади. Уни алмаштириш учун горизонтал вал гурухи ажратилади.
Электродвигател эгилувчан муфта ярим муфтаси билан биргаликда станинадан ажратиб олинади. Сунгра горизонтал вал 22 дан съемник ёрдамида етакчи ярим муфта 13 ажратилади, винтлар буралиб, подшипник қопқоги олинади.
Сўнгра станинадан тахометр қопқоги билан биргаликда ажратилади.
Марказдан қочма фрикцион муфта ажратилгач горизонтал вал фланец билан биргаликда олинади.
Йигишдан олдин барча деталлар ювилиб мойланиши лозим.