Ўзбекистон республикаси олий ва ўрта махсус таълим вазирлиги тошкент давлат иқтисодиёт университети ж. Ж. Жалолов, И. А. Ахмедов, С. Н. Абдураҳимов

Олигополия — стандартлаштирилган ёки табақалаштирилган товарлар ишлаб чиқарувчи бир нечта йирик фирма ҳукмронлик қиладиган бозор.
Олтин захираси (запаси) — мамлакатнинг марказий банкида қуйма (ёмби) ва танга шаклида тўпланган марказлаштан олтин резерв фонди. Олтиндан ички пул муомаласида фойдаланилган вақтда олтин захираси қарз пулларни таъминлашга, жамғармалар бўйича тўловларга, банкноталарни майдалаш ва халкаро тўловларга хизмат қилган. Ички олтин муомаласи тугатилгандан кейин олтин захираси халкаро ҳисоб-китобларда ва валюта жамғармаларини саклашга мўлжалланган давлат фондига айланди. Мамлакатимиз жаҳондаги энг йирик олтин захирасига эга давлатлар қаторига киради.
Олтин стандарти (гoлд стaндaрт) — Наполеон урушларидан кейинроқ Европада қарор топган ва биринчи жаҳон урушига қадар ҳукм сурган пул тизими. Олтин танга стан­дарти чоғида мамлакат пул бирлиги қонунга биноан белгиланган муайян таркибдаги олтин билан таъминланган, банкноталар эса олтинга эркин айирбошланган.
ОПЕК — нефть қазиб олувчи давлатлар томонидан нефть қазиб олиш ва экспорт қилиш, унга нарх белгилаш бобида ягона сиёсат юритиш мақсадида барпо этилган ташкилот.
Опцион шартномаси— келажакда муайян муддатга белгиланган нарх бўйича валюта ёки қимматли қоғозларни харид қилиш ҳуқуқини (мажбуриятини эмас) бера­диган шартнома.
Очиқ бозор — мамлакатга товар ва хизматларнинг бошқа мамлакатлардан эркин келтирилиб ва чегараланмаган ҳолда олди-сотди қилиниши. Очиқ бозор хориж моллари учун очиқ бўлган миллий ёки давлатлараро бозордир. Очиқ бозор бож тўлови билан ҳимоя қилинмайди, бу ерга товар­лар чекланмай оқиб келади. Халқаро бозор ўз табиати билан очиқ бозор, унда ҳамма мамлакатлар қатнаша олади. Умуман олганда, бозор иқтисодиётига эркин ва очиқ бозор хосдир.
Очиқ бозордаги операциялар — мамлакат марказий банки томонидан қимматли қоғозлар одди-сотдиси.
Очиқ иқтисодиёт— хорижий мамлакат­лар билан импорт, экспорт ва молиявий операциялар механизмлари билан боғланган миллий иқтисодиёт.