Ўзбекистон республикаси олий ва ўрта махсус таълим вазирлиги тошкент давлат иқтисодиёт университети ж. Ж. Жалолов, И. А. Ахмедов, С. Н. Абдураҳимов

Ташқи иқтисодий алоқаларни суғурталаш

Мулкий суғурталаш

Шахсий суғурталаш

Жавобгарликни суғурталаш

ТИФ ни суғурталаш

Молия хатарларини
суғурталаш

Хорижий инвестицияларни суғурталаш

Йўловчиларни суғурталаш

Автотранспорт эгалари жавобгарлигини суғурталаш


1 - Чизма. Ташқи иқтисодий алоқаларни суғурталаш шакллари
Чет ел инвестицияларини суғурталашга доир хизматларни Жаҳон банкининг аъзоси бўлган ва 1988 йилнинг 12 апрелида асос солинган Инвестицияларни кафолатлаш бўйича халқаро агентлик (МИГА) тақдим этади.
МИГАнинг вазифаси ривожланаётган мамлакатларга чет эл инвестицияларини:

• 
  инвестицияларга валютани ўтказиш, экспроприация қилиш, уруш, фуқаролар тартибсизликлари ва сармоя кўйилган мамлакат ҳукумати томонидан шартнома шартлари бузилиши билан боғлиқ хатарларга қарши кафолатлар бериш;
  
• 
  агентлик аъзоси бўлган ривожланаётган мамлакатларга ана шу мамлакатларни чет эл сармоясини қўйиш учун жозибалироқ қиладиган чораларни амалга оширишга доир маслаҳат хизматларини тақдим этиш йўли билан рағбатлантириш ҳисобланади.
  

Экологик хатарларни суғурталаш суғурталовчининг атроф-муҳитни ифлослантириш билан боғлиқ хатарлар учун масъ­улиятини назарда тутади. Бундай хатарларга, масалан, танкерлардан нефт маҳсулотларининг денгизга оқиб кетиши ва у билан сув ҳамда сохилларнинг ифлосланиши учун кема эгаларининг масъулиятини суғурталаш; ядро энергиясидан тинч мақсадда фойдаланиш жараёнида учинчи шахсларга етказилган ядровий зарар учун масъулиятни суғурталаш; ер ости сувлари, ер ва ҳавони ифлослантирганлик учун мъасъулиятни суғурталаш; кон-қазув фаолиятидан етказилган зарар учун масъулиятни суғурталаш ва ҳоказолар киради.
Экологик хатарларни суғурталаш муайян мамлакатда амал қиладиган табиатни муҳофаза қилиш тўғрисидаги қонун ҳужжатларининг меъёрларига асосланади. Мазкур суғурталашдан мақсад — полис соҳиби (суғурталанувчи)нинг фаолияти туфайли атроф-муҳитни ифлослантириш натижасида етказилган зарарни қоплаш зарурати билан боғлиқ зарарларни қоплашдир.