Ўзбекистон республикаси олий ва ўрта махсус таълим вазирлиги тошкент давлат иқтисодиёт университети ж. Ж. Жалолов, И. А. Ахмедов, С. Н. Абдураҳимов

Спот бозори — валюта дарҳол етказиб бериладиган бозор.
Ссуда, қарз, кредит — кредиторнинг қарз олувчига муайян муддатга ва муайян фоиз билан пул бериши.
Стагнация — иқтисодиётнинг ҳолати, бутун иқтисодий фаолиятнинг турғунлиги билан таърифланади.
Стагфляция — иқтисодиётнинг ҳам турғунлик, ҳам инфляция билан ҳарактерланувчи ҳолати. Стагфляция белгилари: иқтисодий ўсиш ғоят суст боради ёки юз бермайди, ишсизлик кўпаяди, тирикчилик қиймати ўсади, инфля­ция кучаяди, ишлаб чиқариш қувватлари тўла ишлатилмайди, инвестиция жараёни сустлашади, ижтимоий барқарорлик ортади. Стагфляция иқтисодиётдаги турғунликни билдиради.
Стрaтегик режaлaштириш-мaркетинг стрaтегиялaрини (кoнверсиявий, рaғбaтлaнтирувчи, ривoжлaнтирувчи, ремaркетинг, синxрoн) aниқлaш вa aсoслaш; мaқсaдгa эришиш учун тaктик ҳaтти - ҳaрaкaтлaр сoҳaсини ўргaниш вa устувoрликлaрни тaнлaш.
Субвенция — давлат бюджетидан муҳим хўжалик ва ижтимоий-маданий тадбирларни амалга ошириш учун маҳаллий ҳокимият органларига ажратилган пул маблағи. Давлат маъқуллаган иқтисодий ва маданий ривожланиш дастурлари, лойиҳалари субвенция орқали пул билан таъминланади. Шу мақсадда давлат бюджетида махсус субвенция фонди ташкил этилади. Бу фонддан ажратилган маблағ бошқа мақсадда ишлатиладиган бўлса, қайтариб олинади. Субвенция маҳаллий хўжалик ва ижтимоий соҳани молиялаштириш усули сифатида кенг қўлланмайди. Унинг ўрнига кўпроқ дотация усули кўлланиладиган бўлган.
Субсидия — давлат бюд­жети ҳисобидан корхоналар, ташкилотлар ва хорижий давлатларга бериладиган маблағ. Субсидия бозор иқтисодиётини тартибга солиш воситаси ҳисобланади, унинг мақсади иш­лаб чиқариш, экспорт, илмий-техник ишлар, ижтимоий муаммолар ечимини таъминлаш учун молиявий ёрдам кўрсатишдир. Давлат иқтисодиётни ўзи ишлаб чиққан дастурлар ёрдамида тартибга солади. Дастурларда тараккиётнинг истиқболли йўналишлари белгиланади ва уларга риоя килган кор­хоналар зарар кўрмаслиги учун бюджетдан субсидия берилади. Ўта муҳим илмий-техник ишларни, экологик муаммоларни, экспорт масаласини ҳал этишда қатнашадиган кор­хоналар субсидиядан фойдаланади.
Суғурта — суғурталовчининг йўл бадаллари ҳисобига мақсадли суғурта фондини шакллантириш ва ундан зарарни қоплаш ва суғурта суммаларини тўлаш учун фойдаланишига доир иқтисодий муносабатлар мажмуи.