Ўзбекистон республикаси олий ва ўрта махсус таълим вазирлиги тошкент давлат иқтисодиёт

5.2. Маълумотларни компьютер ишлови (МКИ) масалаларида 
эксперт ишидан фойдаланиш 
Эксперт ишидан фойдаланилган ҳолларда қўлланилаётган МКИни 
баҳолаш учун: 
Экспертни тайинлаш ва эксперт ишидан фойдаланиш билан боғлиқ 
бўлган бошқа жараёнлар «Эксперт ишидан фойдаланиш» номли АФМС 
шартларига тўлиқ равишда мос келиши шарт; 
Аудитор, эксперт ишини кузатиб бориш учун, хўжалик юритувчи 
субъектнинг компьютер тизими ҳақида етарли билимга эга бўлиши шарт ва 
шу билан бирга устунлик ҳолатини сақлаб туриши керак: 
эксперт фақат ахборотга ишлов бериш тизиминигина белгилайди; 
аудитор бу тизим ёрдамида шакллантирилаётган ҳисоботнинг 
ишончлилигини баҳолайди. 
Аудиторлик 
ташкилоти 
текширилаётган 
хўжалик 
юритувчи 
субъектининг ҳисоботи тўғрисида фикри ва шу фикр асосида тузилган 
аудиторлик хулосаси учун тўлиқ жавобгардир. 
Текширувни ўтказишда эксперт аудиторга қуйидаги ҳолларда ёрдам 
кўрсатади: 
а) МКИ тизими ишончлилигини тўлиғича баҳолашда; 

---

105 
б) текширилаётган хўжалик юритувчи субъектнинг МКИ тизимида амал 
қилаётган бухгалтерлик дастурий таъминотнинг сотиб олишнинг 
қонунийлигини ва лицензион софлигини баҳолашда; 
в) ҳисоб-китоблар алгоритмини текширишда; 
г) компьютерда аудитор учун зарур бўлган аналитик, синтетик ҳисоб 
регистрлари ва ҳисоботларни шакллантиришда. 
5.3. МКИ шароитларида аудитни режалаштириш. МКИ муҳитининг 
аудиторлик рискига таъсири
«Аудитни режалаштириш» АФМСга мувофиқ равишда аудитнинг 
умумий режасини тузишда режалаштиришнинг ҳар бир босқичи хўжалик 
юритувчи субъект томонидан қўлланилаётган ахборот технологиялари ва 
МКИ тизимларининг аудит жараёнига таъсирини ҳисобга олган ҳолда 
аниқлаштирилиши лозим. 
Аудиторлик амалларининг ҳажми ва хусусиятини аниқлашда ҳисоб 
ахборотларига автоматлаштирилган ишлов бериш даражаси ҳисобга 
олиниши керак. 
Аудитни режалаштириш бўйича ҳужжатларда қуйидаги масалалар акс 
эттирилиши лозим: 
Аудиторлик амалларини МКИдан фойдаланган ҳолда бажариш 
хусусияти (МКИ муҳитида тайёрланган ҳужжатларни босмага чиқариш, 
хўжалик юритувчи субъектнинг МКИ муҳитидаги иши); 
Хўжалик юритувчи субъектнинг компьютер тизимини ўрганиш 
мақсадида мустақил экспертни жалб қилиш, эксперт томонидан баҳолаш 
учун чиқарилган масалаларни тавсифлаш; 
Аудиторлик текширувининг бошланиш санаси, хўжалик юритувчи 
субъект билан маълумотларни аудит ўтказиш шартномасида келишилган 
шаклда аудиторга тақдим этилган санага мувофиқ келиши лозим. 

---

106