Ўзбекистон республикаси олий ва ўрта махсус таълим вазирлиги тошкент давлат аграр университети агрокимё ватупроқшунослик кафедраси

Ўзбекистон Республикаси ер фонди.
Ўзбекистон Республикасининг чегаралари доирасидаги ерлар майдони 44896,9 минг гектарни ташкил қилади. Республикамизнинг 505,5 минг гектар ерларидан қўшни Марказий Осиё давлатларининг корхона ва ташкилотлари қўшни давлатларнинг 18,9 минг гектар ерларидан эса Республикамиз корхона ва ташкилотлари фойдаланади. Шундай қилиб, 2003 йил 1 январ ҳолатига Ўзбекистон Республикаси корхона, ташкилот, муассаса ва фуқаролари фойдаланишида жами 44410,3 минг гектар ер (заҳира ерлар билан ҳисобланганда) мавжуд. Вилоятлар бўйича ер фондининг тақсимланиши 1-жадвалда келтирилган.
Фойдаланиш мақсадига қараб, Республика ер фонди 8 та тоифага бўлинади:

• 
  қишлоқ хўжалигига мўлжалланган ерлар;
  
• 
  аҳоли пунктларининг ерлари;
  
• 
  саноат, транспорт, алоқа, мудофаа ва бошқа мақсадларга мўлжалланган ерлар;
  
• 
  табиатни муҳофаза қилиш, соғломлаштириш, рекреация мақсадаларига мўлжалланган ерлар;
  
• 
  тарихий-маданий аҳамиятга молик ерлар;
  
• 
  ўрмон фонди ерлари;
  
• 
  сув фонди ерлари;
  
• 
  захира ерлар.
  

Ер фондининг тоифалари бўйича тавсифи.
Ўзбекистон Республикасининг Ер фонди
Ўзбекистон Республикаси Ер фондининг 2006 йил 1 январ ҳолати бўйича ҳисоботи Ўзбекистон Республикаси Ер ресурслари, геодезия, картография ва давлат кадастри давлат қўмитаси томонидан ҳисобот йилида корхона, муассаса ва ташкилотларнинг ерларидаги барча ўзгаришлар тўғрисидаги маълумотлар, хўжаликлар томонидан ер ҳисоби ҳужжатлари асосида тузилган ҳамда туман, шаҳар ва вилоят ҳокимларининг махсус қарорлари билан тасдиқланган йиллик ер ҳисоботларини Республика бўйича умумлаштириш натижасидир.
Ўзбекистон Республикасининг маъмурий чегарасидаги ер майдони 44896,9 минг гектарни ташкил қилади. 2006 йил 1 январ ҳолатига Ўзбекистон Республикаси корхона, ташкилот, муассаса ва фуқаролари фойдаланишида жами 44410,3 минг гектарни ташкил этади. Республика бўйича суғориладиган ерлар 4295,3 минг гектарни ёки умумий майдоннинг 9,7 фоизини ташкил қилади.
Ўзбекистон Республикаси ер фонди фойдаланиши бўйича 8 тоифага бўлинади, уни тақсимланиши 1-жадвалда, жами фойдаланиладиган ерлар эса 2-жадвалда кўрсатилган.
1-жадвал