Ўзбекистон республикаси олий ва ўрта махсус таълим вазирлиги тошкент давлат аграр университети агрокимё ватупроқшунослик кафедраси

Дала тажрибасининг турлари

Мақсади, ўтказиладиган жойи, давомийлиги, бўлмаларининг катта-кичиклиги ва бошқа кўрсаткичларига кўра дала тажрибалари-нинг бир нечта тури фарқланади.
3.1. ўтказилиш шароитига кўра дала тажрибалари икки гуруҳга бўлинади:
а) махсус майдонларда ўтказиладиган ва
б) ишлаб чиқариш шароитида ўтказиладиган дала тажрибалари.
Биринчи кўринишдаги тажрибаларда фактор ва агротадбирларнинг экинларга таъсири алоҳида ажратилган майдончаларда ўтказилса, иккинчи хил тажрибалар катта майдонларда, соддалаштирилган схемада амалга оширилади.
3.2. қўйилган мақсадига кўра ҳам дала тажрибалари иккига бўлинади.
а) агротехникавий дала тажрибалари
б) нав синаш дала тажрибалари
Агротехникавий дала тажрибаларда факторларнинг экинлар ҳосилдорлигига таъсири қиёсий баҳолаш учун ўтказилса, нав синаш тажрибаларда гентик жиҳатдан турлича навлар 1 хил шароитларда таққослаб ўрганилади.
3.3. тажрибадаги фактор сонига кўра
а) бир факторли ва
б) кўп факторли дала тажрибалари фарқланади.
Агар тажрибада битта оддий ёки мураккаб фактор бир нечта градацияда ўрганилса, оддий ёки бир факторли тажриба деб, бир вақтнинг ўзида икки ёки ундан ортиқ фактор иштирок этса, кўп факторли тажриба деб юритилади.
3.4. Амалга ошириш кўламига кўра дала тажрибалари яна иккига бўлинади:
а) якка тартибли ва
б) географик тармоқ дала тажрибалари.
Агар турли схемалардаги дала тажрибалари алоҳида масканларда мустақил амалга оширилса, якка тартибли дала тажрибалари дейилади. Маълум бир мазмундаги (схемадаги) дала тажрибалари аввалдаги мувофиқлаштирилган схема ва услубда бажарилса географик тармоқ дала тажрибалари дейилади.
3.5. Давомийлигига кўра дала тажрибаларини қуйидагича гуруҳ-лаш мумкин:
а) қисқа муддатли (3-10 йил)
б) кўп йиллик (10-50 йил)
в) сурункали – 50 йилдан зиёд.


ДАЛА ТАЖРИБАЛАРИНИНГ ТАРКИБИЙ ҚИСМЛАРИ. ДАЛА ТАЖРИБАЛАРИДА АМАЛГА ОШИРИЛАДИГАН ИШЛАР.