Ўзбекистон республикаси олий ва ўрта махсус таълим вазирлиги тошкент архитектура – Қурилиш институти “бино ва иншоотлар” кафедраси

ЎҚУВ МАТЕРИАЛЛАРИ
“Бинолар энергия самарадорлик инжиниринги” фани маъруза машғулотларининг мавзулари

Маъруза машғулотлари
















1-маъруза:Энергия самарадор биноларнинг тавсифлари ва асосий қоидалари. Марказий Осиё ва Ўзбекистон Республикаси ҳудудида энергия самарадор бинолар қурилиши


Маъруза режаси

1.“Бинолар энергия самарадорлик инжиниринги” фанининг мақсад ва вазифалари.

2.Энергия самарадор биноларнинг тавсифлари ва асосий қоидалари.
3.“Бинолар энергия самарадорлик инжиниринги” фанининг бошқа фанлар тизимида тутган ўрни .
“Бинолар энергия самарадорлик инжиниринги “фанининг мақсад ва вазифалари


Фанни ўқитишдан мақсад – биноларнинг энергия самарадорлигини ошириш мақсадларида бу дастурлар доирасида амалга ошириладиган турар жой ва маъмурий бинолар қурилишини янги энергия тежайдиган технологиялардан фойдаланган ҳолда ва янги меъёрларга риоя қилиш билан танишган ва энергия тежамкор ташқи деворларни лойиҳалашни билган, бино ва иншоотларни қурилиш ва лойиҳалаш соҳасида кенг дунёқарашга эга бўлган юқори малакали мутахассисларни тайёрлашдан иборат.


Фаннинг вазифаси –мавжуд биноларнинг энергия самарадорлиги ва шу самарадорликни таъминлаш тизимини баҳолаш тадбирини ўтқазиш,энергия самарадор биноларга ўтишнинг техник ва иқтисодий истиқболларини баҳолаш, биноларнинг энергия самарали тўсиқ конструкцияларини лойиҳалаш, уларнинг ишончлилигини ва узоқ муддатга чидамлилигини таъминлаб берадиган услубларини ўзлаштириш.


Фан бўйича талабаларнинг билим, кўникма ва малакасига
қўйиладиган талаблар

“Бинолар энергия самарадорлик инжиниринги” фанини ўзлаштириш натижасида талаба:

- хоналарни микроиқлимини шакллантириш хусусиятларини ва бу жараёндаги ташқи тўсиқ конструкцияларининг ўрнини;
-тўсиқ конструкцияларининг энергия самарадорлигини ошириш йўлларини ва уларни лойиҳалаш асосларини;
- биноларнинг энергия тежамкор тўсиқ конструкциялари учун замонавий қурилиш ашёларининг номенклатурасини ва хусусиятларини билиши;
- биноларнинг иссиқлик ҳимоясини таъминлаш шартларига кўра тўсиқ конструкцияларини ҳисоблаш ва лойиҳалаш; меъёрий ва илмий - техник маълумотларни излаш тажриба ва кўникмаларига эга бўлиши лозим.