Ўзбекистон республикаси олий ва ўрта махсус таълим вазирлиги тошкент архитектура қурилиш институти

Пардозбоп ва кислота эритмаларига чидамли сопол тахтачалар 
Пардозбоп тахтачалар юзи сирланган бўлиб, асосан бинонинг ички 
девори ва полларини қоплашда ишлатилади. 
Сирли қатлам
– эриганда 
шишасимон ҳолатга ўтувчи, осон эрийдиган лойни буюм юзасига суртиб, 
кейин пиширганда ҳосил бўлган қатламдир. Сирланган тахтача юзаси жуда 
текис бўлганлиги туфайли унда сув ёки чанг ушланмайди. Турли ранглар 
билан қориштириб суртилган сирли тахтачалар девор сиртини безашда, 
меъморчиликда ва бошқа мақсадларда кўплаб ишлатилади. Пардозбоп 
тахтачалар юқори сифатли лой қоришмасидан нам ёки ним қуруқ усул билан
тайёрланади. Кўпинча биноларнинг ички деворларини қоплашда майолик ва 
фаянс сопол тахтачалар ишлатилади. Фаянс учун хом ашё сифатида каолин, 
дала шпати ва кварц қуми ишлатилади. Майолик тахтачалар табиий куйган 
тупроқдан олинади ва уларнинг юзаси сирланади. 
расм
. Терракот буюмлар 
расм
. Тошкентдаги Темурийлар тарихи давлат музейи 

---

50 
Тахтачаларни таснифлаганда қуйидаги турларга бўлиш мумкин: 
юзасининг шаклиги кўра буюртма тасвирли ва фактурали; юзасидаги 
сирнинг хилига кўра ялтироқ, қўнғир, бир хил ёки кўп рангли хира тасвирли. 
Шакли ва ўлчами бўйича ички деворларни қоплашда қўлланадиган қоплама 
тахтачаларнинг турлари 6.8- расмда кўрсатилган.
Пишириш хумдонидан чиққан сопол тахтачанинг сирти сирланади ва 
мустаҳкам ёпишиши учун қайтадан пишириш хумдонига киритилади. 
Қурилишда қалинлиги 8, 10 ва 13 мм ли, тўртбурчак ва олтибурчакли сопол 
тахтачалар кўп ишлатилади. Агар тахтача фаянс, соз тупроқ, кварц қуми ва 
каолин аралашмаларидан тайёрланса, унинг қалинлиги 5 – 6 мм бўлади. 
Пардозбоп тахтачаларни қабул қилишда асосан, улар ўлчамининг 
аниқлигига, сиртнинг текислигига ва рангининг тиниқлигига эътибор бериш 
зарур. Рангининг тиниқ ёки бир хилдалигини аниқлаш учун бир неча 
тахтачани териб 8 – 10 м масофадан қаралади. Агар ранглари ҳар хил бўлса 
ёки бошқа нуқсонлар топилса улар яроқсиз деб ҳисобланади. 
Кислота таъсирига чидамли сопол ашёларга кимё заводларида 
кислоталар билан ишлайдиган муҳитда бўладиган махсус буюмлар киради. 
Масалан, қувурлар, зарарли суюқликлар сақланадиган идишлар, шамоллатиш 
асбоблари, кислотага чидамли ғишт шулар жумласидандир. Бундай буюмлар 
таркибида зарарли аралашмалар ва эрувчан тузлар бўлмаслиги керак. 
Кислоталарга чидамли сопол тахтачалар “К” деб белгиланади.