Ўзбекистон республикаси олий ва ўрта махсус таълим вазирлиги тошкент молия институти “молиявий менежмент” факультети

V.Талаба мустақил ишини назорат қилиш ва баҳолаш
5.1. Ҳар бир фан бўйича талаба мустақил ишига раҳбарлик қилиш юкламаси (ишчи ўқув режасининг 10-устунида келтирилган) профессор-ўқитувчи шахсий иши режасининг ташкилий-услубий бўлимида (1540 соат доирасида) қайд этилади.
Талаба курс иши (лойиҳаси)ни ҳамда малакавий битирув иши ва магистрлик диссертациясини тайёрлашга ажратилган соатлар профессор-ўқитувчи шахсий иш режасининг ўқув ишлари бўлимида қайд этилади.
5.2. Талаба мустақил ишига раҳбарлик қилиш кафедрада тузиладиган ва факультет декани томонидан тасдиқланадиган консультациялар жадвали асосида амалга оширилади.
5.3. Талабанинг мустақил иши бўйича консультация соатлари гуруҳ журналида қайд этиб борилади.
5.4. Талаба мустақил ишини назорат қилиш ўқув машғулотларини бевосита олиб борувчи ўқитувчи томонидан амалга оширилади.
5.5. Талабанинг мустақил иши, муайян фан ишчи дастурида ажратилган соатларга мос рейтинг баллари билан баҳоланади ва натижаси фан бўйича талабанинг умумий рейтингига киритилади.
5.6. Талабанинг рейтинг кўрсаткичлари, шу жумладан мустақил иши бўйича, анъанавий гуруҳ рейтинг ойнасида ва (ёки) факультет махсус электрон тармоғида ёритилиб борилади.
5.7. Талаба мустақил ишини назорат қилиш турлари ва уни баҳолаш мезонлари тегишли кафедра томонидан белгиланади ва факультет Илмий кенгашида тасдиқланади. Мустақил ишларни баҳолаш мезонлари талабаларга ўқув йили (семестр) бошланиши олдидан методик материаллар билан биргаликда тарқатилади.
5.8. Мустақил иш бўйича белгиланган максимал рейтинг балининг 55% дан кам балл тўплаган талаба фан бўйича якуний назоратга қўйилмайди.
5.9. Фанлар кесимида талабаларнинг мустақил ишлари бўйича ўзлаштириш мунтазам равишда талабалар гуруҳларида, кафедра йигилишлари ва факультет Илмий кенгашларида муҳокама этиб борилади.
5.10. Талабанинг мустақил иши кафедра архивида рўйхатга олинади ва ўқув йили мобайнида сақланади.
Талабанинг курс иши (лойиҳаси)ни ҳамда малакавий битирув иши ёки магистрлик диссертациясини рўйхатга олиш ва сақлаш тартиби тегишли меъёрий ҳужжатлар асосида амалга оширилади.
5.10. Олий таълим муассасасида юқори даражада баҳоланган талабаларнинг мустақил ишлари маънавий моддий жиҳатдан рағбатлантирилади.
3-илова