Ўзбекистон республикаси олий ва ўрта махсус таълим вазирлиги термиз давлат университети

3. Курс ишларининг мавзусини танлаш.
Курс ишлари муваффақиятини аниқлайдиган муҳим ва масъулиятли вазифалардан бири–тадқиқот мавзусини танлашдир. Мавзуларга қўйиладиган умумий талаб - мавзунинг долзарблиги, ишлаб чиқариш эҳтиёжлари ва муаммолари билан боғликлигидир. Улар хозирги замон талаблари ва меҳнат муносабатлари ҳамда инсон омили салоҳиятининг ривожланиш тенденциялари истиқболларидан келиб чиқиши зарур.
Курс иш мавзуси кенг қамровли назарий ва амалий хусусиятга ега бўлиши, меҳнат муносабатлари ва ишлаб чиқаришини ривожлантиришнинг енг муҳим вазифаларини қамраб олиши ва илмий-ишлаб чиқариш йўналишида тадқиқотлар олиб боришни назарда тутиши лозим. Курс иши мавзуси муаммонинг замонавий ҳолатини ва иқтисодиёт, бизнес, ишлаб чиқариш, ижтимоий сохалар, фан, таълим ва маданиятнинг истиқболий ривожланишини акс етириши керак.
Мавзунинг долзарблигини асослашда ушбу масала устида тадқиқотлар олиб бориш нима учун зарурлигини, ишлаб чиқариш билан боғлик қандай муаммолар бунга сабаб бўлганини ва тадқиқот якунлари бўйича эришилажак натижалар муаммони ечишга қандай таъсир кўрсатишини аниқ баён этиб бериш лозим.
Курс иши мавзулари кафедра томонидан белгиланади ва ҳар ўқув йилида янгиланиб турилиши тавсия этилади.
Талабага курс иш мавзусини танлаш ҳуқуқи берилади. Мавзуни танлаш жараёнида талабаларга иш рахбари ёрдам бериши мақсадга мувофиқ. Мавзуни танлаш жараёнида раҳбар тавсия этилаётган мавзулар рўйхатини бериш билан чекланиб қолмай, балки танланадиган мавзуни моҳияти ва очиб бериш имкониятлари билан хамда маълумотлар манбалари билан талабани таништириши мақсадга мувофиқ.
Раҳбар ва талаба танлаган мавзу бўйича назарий маълумотларни етарли бўлгани билан кейинчалик талаба ишлаб чиқариш амалиёти ўтайдиган меҳнат корхонасида ушбу мавзуни ёритиш бўйича керакли маълумотларни олишига ҳам эътиборни қаратиш лозим. Курс иши мавзусини танлашда рахбар ва талаба қуйидагиларга эътибор бериши лозим:

1. 
   Курс ишини ёзиш жараёнида мавзуни чуқур ўрганиш ва тажриба ошириш имконияти мавжудлиги;
   
2. 
   Талабанинг илмий-амалий изланишга қобилиятлилиги;
   
3. 
   Курс ишини бажариш учун меъёрий маълумотлар, иқтисодий кўрсаткичлар билан таъминланганлик даражаси;.
   

Курс ишлари мавзулари рўйхати ўқув йилининг 2-семестри бошида эълон қилинади. Курс иши мавзуси ва рахбар кафедранинг тақдимномаси бўйича ўқув юкламасига асосан кафедра мудирининг фармойиши билан расмийлаштирилади ва тасдиқланади.