Ўзбекистон республикаси олий ва ўрта махсус таълим вазирлиги тдпу ҳузуридаги педагог кадрларни қайта

IV. “Ажурли арра” стратегияси – ҳамкорлик таълими технологияларининг муҳим тури. Юқорида айтиб ўтилганидек, ҳамкорлик таълимида “Ажурли арра” стратегиясидан кенг фойдаланилади.

“Ажурли арра” стратегияси (фр. “ажоур” – бир ѐқдан иккинчи ѐққа ўтган, икки томони очиқ) – яхлит мавзуни бир нечта қисмларга ажратган ҳолда мазмунини ѐритиш асосида талабаларнинг уни пухта ўзлаштириши, ўз билимларини бошқаларга етказиб бериш лаѐқатига эга бўлиши таъминловчи стратегия
Ушбу стратегияни қўллаш жараѐнида талабалар тайѐр матнлар билан ишлайди. 1986 йилда Ф.Славин томонидан “Ажурли арра-2” методи ишлаб чиқилган бўлса-да, бироқ, “Ажурли арра” стратегияси ўзининг оммавийлигини сақлаб қолди.
“Ажурли арра” стратегиясининг технологик модели қуйидагича (14-расм):

14-расм. “Ажурли арра” стратегиясининг технологик модели
Машғулотда “Ажурли арра” стратегиясини қўллаш қуйидаги босқичларда амалга оширилади (15-расм):

15-расм. “Ажурли арра” стратегиясини қўллаш босқичлари Мазкур стратегияни қўллашда талабаларнинг мавзуни пухта ўзлаштирганлиги, ўзлари эга бўлган билимларни бошқаларга етказиб бериш лаѐқатига эга бўлишлари муҳим саналади.
Шундай қилиб, шахсга йўналтирилган таълим турлари орасида ҳамкорлик таълими ҳам муҳим ўрин тутади. Айни вақтда етакчи хорижий мамлакатларнинг таълими амалиѐтида ҳамкорлик таълимдан кенг фойдаланишга эътибор қаратилмоқда. Жуфтлик, кичик гуруҳ ва, баъзан жамоада ўзаро ҳамкорлик асосида ўқув материалларининг ўзлаштирилиши таълим олувчиларда ўқитиш жараѐни ҳамда ўқув материалига нисбатан қизиқишни юзага келтиради, ўқув-билиш фаоллигини оширади. Қолаверса, ҳамкорликка асосланган таълим таълим олувчиларнинг самарали равишда ижтимоийлашувларига кўмаклашади. Бинобарин, ҳамкорлик асосида таълим олар экан, таълим олувчиларда бирбирларини қўллаш, бир-бирларига ѐрдам кўрсатиш, жуфтлик, гуруҳ ва жамоа муваффақияти учун курашиш малакалари шаклланади. Республика узлуксиз таълимида ҳам ҳамкорлик таълимининг кенг қўлланилиши мақсадга мувофиқдир.