Ўзбекистон республикаси олий ва ўрта махсус таълим вазирлиги ш. Ш. Шодмонов, У. В.ҒАфуров иқтисодиёт назарияси

7.2-жадвал
Нарх ва таклиф миқдори ўртасидаги боғлиқлик

Бир килограмм картошка нархи (сўм)	Картошканинг якка таклифи миқдори (бир ойда килограмм)	Картошканинг бозор таклифи миқдори (бир ойда тонна)
700 600 500 400 300	60 50 30 20 10	60 50 30 20 10

Жадвал маълумотларидан кўринадики, картошка нархининг 700 сўм даражасида якка таклиф (масалан, битта сотувчи таклифи) энг юқори миқдор – 60 кг ни ташкил этган. Нарх пасайиб бориши билан эса таклиф миқдори ҳам пасайиб бормоқда: 600 сўмда – 50 кг, 500 сўмда – 30 кг ва ҳ.к.

Жадвалнинг навбатдаги устунида эса картошканинг бозор таклифи (яъни, жами сотувчилар томонидан сотилиши мумкин бўлган) миқдори ифодаланиб, у ҳам ўз тавсифига кўра якка таклифга мос тушади.
Демак, нархнинг ошиши билан шунга мос равишда сотишга чиқариладиган товарлар таклифи миқдори ҳам ортади, нархнинг тушиши билан таклиф ҳажми қисқаради. Нархнинг ўзгариши билан таклиф этилаётган товар миқдорининг тўғри боғлиқликдаги ўзгариши таклиф қонуни дейилади.
Истеъмолчи учун нархнинг ошиши тўсиқ ролини ўйнаса, ишлаб чиқарувчи учун рағбатлантириш вазифасини бажаради.
Нарх даражаси ва таклиф миқдори ўртасидаги тўғридан-тўғри боғлиқликни кўрсатувчи маълумотларни графикда ифодалаб, таклиф эгри чизиғини тасвирлаш мумкин (7.3-чизма).
7.3-чизма
Таклиф эгри чизиғи

Р,сўм
S

700
600
500
400
300 S
200
100
0
10 20 30 40 50 60 Q, тонна
Бозорда таклиф қилинадиган товар ҳажмига нархдан ташқари бир қатор омиллар ҳам таъсир қилади. Бу омилларнинг асосийлари қуйидагилар:
1) ресурсларнинг нархи;
2) ишлаб чиқариш технологияси;
3) солиқ ва субсидиялар;
4) бошқа товарларнинг нархи;
5) нарх ўзгаришининг кутилиши;
6) бозордаги сотувчилар сони.
Мазкур омиллардан бир ёки бир нечтасининг ўзгариши таклиф ҳажмининг ўзгаришини тақозо қилади.
Таклифга таъсир қилувчи омилларни алоҳида-алоҳида қараб чиқамиз.

1.