Ўзбекистон республикаси олий ва ўрта махсус таълим вазирлиги ш. Ш. Шодмонов, У. В.ҒАфуров иқтисодиёт назарияси

Ижтимоий ишлаб чиқариш, яъни турли омилларнинг ҳаракати натижасида жуда кўп турдаги товарлар ва хизматлар массасидан иборат бўлган миллий маҳсулот вужудга келади.
Барчамизга маълумки, 2008 йилда мамлакатимизда иқтисодий ислоҳотларни чуқурлаштиришнинг энг устувор йўналишлари белгилаб берилган эди. Ушбу устувор йўналишлардан келиб чиқувчи вазифаларни амалга оширишда салмоқли натижа ва сезиларли ўзгаришлар қўлга киритилди: иқтисодиётининг юқори барқарор суръатлар билан ўсиши ва макроиқтисодий мутаносиблиги таъминланди, ишлаб чиқаришни таркибий ўзгартириш ва модернизация қилиш, техник ва технологик янгилаш ишлари давом эттирилди.
2008 йилда АҚШда бошланган жаҳон молиявий-иқтисодий инқирози кўплаб мамлакатлар қатори Ўзбекистон иқтисодиётига ҳам ўз таъсирини ўтказмай қолмади. Инқирознинг салбий таъсири бутун иқтисодиётимизнинг мутаносиб ва самарали ривожланишида кўплаб муаммоларни вужудга келтирди. «Лекин, юзага келган барча муаммо ва қийинчиликларга қарамай, халқимизнинг фидокорона меҳнати ва амалга оширилган тадбирлар эвазига 2008 йилда иқтисодиётимизнинг нафақат барқарор фаолият кўрсатишига, балки унинг юқори ўсиш суръатларини изчил таъминлашга эришдик»¹.
Жумладан, 2008 йилда ялпи ички мaҳсулoтнинг ўсиш суръaтлaри 9 фoизни ташкил этди (2.1-диаграмма).
2.1-диаграмма
ЯИМнинг йиллар давомида ўсиш динамикаси, фоизда

Манба: Ўзбекистон Республикаси Давлат статистика қўмитаси маълумотлари.

Ялпи ички маҳсулотнинг ишлаб чиқариш таркибида ҳам сезиларли ўзгаришлар юз берди (2.2-жадвал).

2.2-жадвал
Ялпи ички маҳсулотнинг ишлаб чиқариш таркиби (%)

Кўрсаткичлар