|
Эксперимент методи. Эксперимент методи табиий ва лаборатория эксперименти турларига бўлинади. Бу метод психик ҳолатни таърифлашгагина эмас, балки уларни тушунтириб беришга ҳам имкон беради.
Кузатишдан фарқли ўлароқ, психологик эксперимент тадқиқотчининг синалаётган фаолиятга фаол аралашув мумкинлигини назарда тутади. Жумладан, тадқиқотчи психологик факт аниқ намоён бўлишига, унинг экспериментчи хохлаган йўналиш бўйича ўзгартирилишига, ҳар жиҳатдан тадқиқот қилиш учун бир неча марталаб такрорланишига имкон берадиган шарт – шароитни яратади.
Лаборатория экспериментининг характерли белгиси фақат унинг лаборатория шароитларида махсус психологик асбоб – ускуналар ёрдмида ўтказишларида ва синалувчининг хатти – ҳаракаталари йўл – йўриққа биноан содир бўлиши билангина эмас, балки синалаётганлигини биладиган синалувчи (гарчи, одатда, синалаётган киши экспериментнинг моҳияти нимадан иборатлигини, конкрет нимани ва нима мақсадда тадқиқ қилинаётганлигини билмаса ҳам) кишининг муносабати билан ҳам белгиланади. Лаборатория эксперименти ёрдамида диққатнинг хоссаларини, идрок, хотира ва бошқаларнинг ўзига хос хусусиятларини тадқиқ қилиш мумкин. Ҳозирги пайтда лаборатория экспериментини кўпинча шундай тарзда ўтказишадики, унда одам одатдаги шароитлрда бажариши мумкин бўлган фаолиятнинг баъзи психологик жиҳатлари моделлаштирилиб қўйилади. Жумладан, экспериментда анчагина ҳиссий зўриқиш вазияти моделлаштирилиб, унинг жараёнида синалувчи, масалан, касби – кори учувчи бўлган киши англанилган ечимлар қабул қилиши. Юксак даражадаги уйғунликни тақазо этадиган мураккаб ҳаракатлар қилиши, приборлардаги кўрсаткичларга муносабат билдириши ва ҳакозолар белгилаб қўйилган бўлиши мумкин.
Табиий эксперимент (биринчи марта 1910 – йилда А.Ф. Лазурский таклиф этган) мўлжалланганига кўра, эксперимент ўтказилаётганини биладиган синалувчида ҳосил бўлдиган зўриқишга йўл қўймаслиги ва тадқиқотни одатдаги, табиий шароитларга (дарс, суҳбат, ўйин, уй вазифалрини бажариш ва бошқалар) кўчириши лозим.
Масалан, материални ёдлашнинг самарадорлиги уни узоқ вақт хотирада сақлаб қолиш тўғрисидаги кўрсатмага боғлиқлигини тадқиқ қилиш табиий экспериментга мисол бўла олади. Ўқувчилардан бир гуруҳи ўрганилиши лозим бўлган материал билан таништирилади ва бунинг устига ўқувчи ушбу материал юзасидан эртасига сўралишини айтади. Бошқа бир гуруҳда эса ўқув материали худди шундай тарзда ўтилиб бўлгач, ўқувчиларга ўтилган дарс бир хафтадан сўнг сўралиши айтилади. Ҳақиқтда эса ҳар иккала гуруҳда ҳам ўқувчилардан икки ҳафтадан кейин сўралган. Ана шу табиий эксперимент жараёнида материални узоқ вақт хотирада сақлаб қолишга мўлжалланган йўл – йўриқнинг афзалликлари аниқлайди.
Психологик – педагогик тадқиқот вазифаларини бажарадиган табиий эксперимент психолого – педагогик эксперимент деб аталади. Ҳар хил ёш босқичларида ўқувчиларнинг билиш имкониятларни ўрганишда, ўқувчи шахсини шакллантиришнинг конкрет йўлларини аниқлашда унинг роли бениҳоя каттадир.
Анкета. Саволлар ёрдамида психологик ахборот тўплашнинг методик усулларидир. Бунда саволлар мантиқан бир-бири билан боғланган бўлиб, тадқиқотнинг мақсадига мос келади. Анкета ёрдамида ўқитувчи ўқувчилар шахсий сифатларини аниқлаш учун материал тўплайди.
Таклиф этиладиган саволларга қараб, анкеталар мазмун, функция, формаси бўйича турли хил бўлиши мумкин.
Мазмун бўйича анкета:
1.Фактлар (“сенинг бўш вақтингдаги машғулотинг”, “Уй жой шароитингни таърифла”) ;
2.Атрофдаги кишилар, ҳодисалар характеристикасини (“Ўқув – ишлаб чиқариш комбинатида иш формаси бошқача бўлиши керак деб ҳисоблайсанми?” , “Кўпчилик болалар ўз имкониятларини тўлиқ ишга солмай ўқишларининг сабаби нима деб ўйлайсан?”).
3.Ўқувчининг ниятларини ифодалаши мумкин (“Олий ўқув юртига кирасанми?”, “Ёзги меҳнат оромгоҳига борасанми?”).
Саволлар бажарадиган функциясига кўра анкета ўз ичига қуйидагиларни олади:
а)Фильтрлиовчи-саволлар. М; агар ўқитувчини олийгохга киришни хохловчилар қизиқтирса, анкетада қуйидагича саволлар таклиф этилади: “Сенинг ёқтирадиган предметинг?”. Бунга фақат олийгохга кирмоқчи бўлган ўқувчиларгина жавоб берадилар.
б)Текширувчи ёки назорат қилувчи саволлар. Уларнинг асосий функцияси – информациянинг тўғрилигини текшириш.
Шакли бўйича анкеталар:
а)Очиқ – бунда тўғри саволлар ўз хохишига қараб, эркин жавоб бериш мумкин.
б)Ёпиқ – бунда саволларга тайёр жавоб берилган бўлиб, ўқувчи улардан бирини танлаши лозим.
Анкета саволларига қуйидаги талаблар қўйилади:
1.Саволлар аниқ, тушунарли, содда ва конкрет бўлиши лозим.
2.Анкетанинг бошида осон саволлар, кейин қийин, ундан кейин энг мураккаблари, ниҳоясида яна осон саволлар берилиши лозим.
3. Битта хусусиятни аниқлашга бир неча саволлар, назорат қилувчи саволлар берилиши лозим.
Анкета методининг ижобий томони :
1. Оммавий ўрганиш имконияти;
2. Информация тўплаш тезлиги;
3. Маълумотларни анализ қилишда математик методлардан кенг фойдаланиш имконияти;
4. Оғзаки формада жавоб олиш қийин бўлган саволларга жавоб
олиш имкони;
5. Бир неча тадқиқотлар натижасини таққослаш имкони;
6.Натижаларни қайд этишнинг қулай усули.
Шуни ҳам назарда тутиш лозимки, анкета методи шахс хусусиятларининг барча соҳаларини тўла ўрганиш имконини бермайди, ўқувчилар турлича жавоб берганлари туфайли уларни класификация қилишда қийинчиликлар учрайди; жавобларнинг объективлиги юқори эмас, чунки ўқувчилар бунга виждонан ёндошмасликлари мумкин.
Қуйида кичик мактаб ёшидаги ўқувчиларнинг коммуникатив
( мулоқатчанлик) хусусиятларини аниқлаш учун мўллжаланган анкета тавсия қилинади.
Do'stlaringiz bilan baham: |
