Ўзбекистон республикаси олий ва ўрта махсус таълим вазирлиги самарқанд иқтисодиёт ва сервис институти “банк молия хизматлари” факултети

ЎЗБЕКИСТОН РЕСПУБЛИКАСИ ОЛИЙ ВА ЎРТА МАХСУС ТАЪЛИМ ВАЗИРЛИГИ
САМАРҚАНД ИҚТИСОДИЁТ ВА СЕРВИС ИНСТИТУТИ

“БАНК МОЛИЯ ХИЗМАТЛАРИ” ФАКУЛТЕТИ

БЮДЖЕТ ҲИСОБИ ФАНИДАН


КУРС ИШИ

МАВЗУ: ДАВЛАТ БЮДЖЕТИ ВА ДАВЛАТ МАҚСАДЛИ ЖАМҒАРМАЛАРИ БЮДЖЕТЛАРИ ИЖРОСИ НАТИЖАЛАРИ БЎЙИЧА ҲИСОБОТЛАР

ГУРУҲ: MK-118
БАЖАРДИ: АМИРОВ Ш.
ҚАБУЛ ҚИЛДИ: ________________
САМАРҚАНД 2022

ДАВЛАТ БЮДЖЕТИ ВА ДАВЛАТ МАҚСАДЛИ ЖАМҒАРМАЛАРИ БЮДЖЕТЛАРИ ИЖРОСИ НАТИЖАЛАРИ БЎЙИЧА ҲИСОБОТЛАР


Режа:

1. 
   Республика бюджети, Қорақалпоғистон Республикаси, вилоятлар ҳамда маҳаллий бюджет ижроси бўйича натижаларини аниқлаш тартиби.
   
2. 
   Бюджет ижроси бўйича жорий ҳисобварақларни ёпиш.
   
3. 
   Ўзбекистон Республикаси Давлат бюджети ижроси бўйича чораклик ва йиллик бухгалтерия ҳисоботларини шакллантириш.
   

1. 
   Республика бюджети, Қорақалпоғистон Республикаси, вилоятлар ҳамда маҳаллий бюджет ижроси бўйича натижаларини аниқлаш тартиби
   

Бюджет йилнинг охирида, йиллик ҳисобот тузилишидан олдин молия органининг бухгалтерияси ҳар бир баланс ҳисобварақларидаги маълумотларнинг ҳакқонийлигини, бюджет ссудалари бўйича ҳисоб-китоблар ва бюджетлар ўртасида ўзаро ҳисоб-китобларнинг ҳолатини текширади. Бошқа бюджетлар билан ўзаро ҳисоб-китоблар ва олинган ва берилган ссудалар бўйича ҳисоб-китоблар йил оҳиригача, қўшимча даврдаги операцияларни қўшиб ҳисоблаганда тугатилиши лозим, янги йил бошига ҳисоб-китоблар ҳисобварақларида қолдиқлар бўлмаслиги керак. Йил якуни бўйича бюджетлар ижроси билан боғлиқ бухгалтерия операциялари ёпиш бўйича якунлаш операциялари амалга оширилади
Молия йили якуни бўйича бюджет ижроси натижаларини аниқлаш жараёнида бухгалтерия маълумотномалари расмийлаштирилиб мемориал ордерларга бухгалтерия ёзувлари берилиб ўтказилади. Мемориал ордердаги ёзувлар Бош-журнал китобига ўтказилади ( 1-чизма ).
Молия органларида бюджет ижроси натижалари ҳисоби 09 "Натижалар" номли ҳисобварақда юритилади. Яъни

090	Бюджет ижросининг натижалари
091	Республика бюджети олдидаги маҳаллий бюджетларнинг бюджет ссудалари бўйича қарздорлиги
092	Республика бюджетининг(га) маҳаллий бюджетларга (нинг) ўзаро ҳисоб-китоблар бўйича қарздорлиги
093	Юқори маҳаллий бюджетларга қуйи маҳаллий бюджетларининг бюджет ссудалари бўйича қарздорлиги
094	Қуйи бюджетнинг(га) юқори бюджетга(нинг) ўзаро ҳисоб-китоблар бўйича қарздорлиги
095	Давлатнинг ташқи қарзи бўйича маблағлар тушуми ва ишлатилиши натижаси
096	Давлат мақсадли жамғармалари ва бошқа бюджетдан ташқари жамғармалар бюджети ижросининг натижалари
097	Божхона органлари депозит счётига маблағлар тушуми ва сарфланиши ижроси натижалари
098	Бюджетдан ташқари Пенсия жамғармаси маблағлари тушуми ва сарфланиши ижроси натижалари
099	Бюджетдан маблағ олувчиларнинг бюджетдан ташқари ва бошқа маблағлар тушуми ва сарфланиши ижроси натижалари