Ўзбекистон республикаси олий ва ўрта махсус таълим вазирлиги самарқанд иқтисодиёт ва сервис институти банк-молия хизматлари факультети

1.2. БИТИРУВ ОЛДИ МАЛАКАВИЙ АМАЛИЁТИ ЎТКАЗИЛАДИГАН ЖОЙЛАР

«Бухгалтерия ҳисоби ва аудит» ўқув йўналишида таълим олаётган 4-курс талабалари битирув олди малакавий амалиётни турли мулк шаклларидаги ва ҳар хил фаолият билан шуғулланадиган энг илғор корхона, ташкилот ва муассасаларда ўтказадилар. Амалиётни самарали ўтишини таъминлаш ва унинг боришини назорат қилиш мақсадида бир вақтнинг ўзида битта ташкилотга 5-6 нафар талабаларни юбориш тавсия қилинади.

Ташкилотда талабанинг амалиёт ўташ жойи бўлиб қуйидагилар ҳисобланади: бухгалтериянинг барча бўлимлари, ички аудит бўлими, молия-режа бўлими, моддий-техника таъминоти бўлимлари, сотишни ташкил қилиш бўлимлари, асосий ва ёрдамчи ишлаб чиқариш цехлари, омборлар ва бошқа бўлимлар.
1.3. БИТИРУВ ОЛДИ МАЛАКАВИЙ АМАЛИЁТИНИ ТАШКИЛ ҚИЛИШ

Битирув олди малакавий амалиёти институт ва ташкилот ўртасида тузилган икки томонлама шартнома асосида ташкил қилинади. Шартномага мувофиқ амалиётга раҳбарлик қилиш учун институт ректорининг буйруғи билан кафедранинг етакчи профессор-ўқитувчиларидан, шунингдек амалиёт ўтилаётган ташкилот раҳбарининг буйруғи билан ташкилотнинг етакчи мутахассисларидан талабаларга раҳбарлар тайинланади.

Амалиётни ўташ учун талаба томонидан «Амалиётни ўташ кундалиги» очилади. Кундаликда ҳар иш кунида амалиёт режасига киритилган мавзулар бўйича қилинган ишларни ёзиб боради. Ҳар кунлик қилинган ишнинг ҳақиқатда бажарилганлиги амалиётга ташкилот томонидан беркитилган раҳбар томонидан тасдиқланади.
2.АМАЛИЁТ РАҲБАРЛАРИ ВА АМАЛИЁТЧИНИНГ МАЖБУРИЯТЛАРИ


2.1. КАФЕДРАДАН ТАЙИНЛАНГАН АМАЛИЁТ РАҲБАРИНИНГ МАЖБУРИЯТЛАРИ:

Малакавий ишлаб чиқариш амалиётини ташкил қилиш ва услубий ёрдам бериш мақсадида кафедра томонидан раҳбар тайинланади ва бу институт ректорининг буйруғи билан тасдиқланади.

Кафедра томонидан тайинланган раҳбарнинг мажбуриятлари:

1. 
   Талабани амалиёт ўташ тартиби билан таништириш;
   
2. 
   Корхона томонидан тайинланган раҳбар билан ҳамкорликда талабанинг амалиёт ўташ бўйича тузган шахсий иш режасини кўриб чиқиш;
   
3. 
   Талабанинг амалиёт ўташ бўйича дастурдаги саволларига жавоб бериш ва уларни чуқур таҳлил қилишда маслаҳатлар бериш;
   
4. 
   Талаба ишлаб чиқариш амалиётини ўташда назарий билимларни бевосита ушбу корхона амалиётида умумлаштириш, мустақил фикрлаш ва таклифларни ишлаб чиқишга ёрдам бериш;
   
5. 
   Дастур асосида малакавий амалиётни ўташда талаба томонидан йўл қўйилган камчиликларни бартараф этиш бўйича маслаҳатлар бериш;
   
6. 
   Амалиёт кундалиги ва ҳисоботнинг тўғри тўлдирилишини назорат қилиш;
   
7. 
   Малакавий ишлаб чиқариш амалиёти бўйича талабанинг ёзилган ҳисоботини ўз вақтида (амалиёт тугаган кундан бошлаб 3 кун ичида) тақдим қилинишини назорат қилиш;
   
8. 
   Амалиёт бўйича ёзилган ҳисоботни текшириш ва унга хулоса бериш;
   
9. 
   Амалиёт ўташнинг бориши тўғрисида кафедра йиғилишларида ахборот бериб бориш.