Ўзбекистон республикаси олий ва ўрта махсус таълим вазирлиги самарқанд иқтисодиёт ва сервис институти халқаро молиявий ҳисобот стандартлари

Рестроспектив қўллаш - янги ҳисоб сиёсатини операциялар, бошқа ҳодисалар ва вазиятларга нисбатан ушбу сиёсат олдин ҳам ҳар доим қўлланилганидек тарзда қўллаш.
Ретроспектив қайта ҳисоблаш - молиявий ҳисоботлардаги елементлар суммаларинининг тан олиниши, баҳоланиши ва ошкор қилинишини олдинги даврда хатога ҳеч қачон йўл қўйилмаганидек тарзда тузатиш.
Шартли таннарх - берилган санага таннархнинг ёки амортизацияланган қийматнинг ўрнини босувчи сумма.
Сотиш (қоплаш) қиймати- Активлар, уларни одатий шароитда сотиб олишда тўланиши зарур бўлган пул маблаглари ёки уларнинг еквивалентлари бўйича акс еттирилади.
Тиклаш қиймати- Активлар, уларни сотиб олиш вақтида ҳозирги пайтда ҳудди шунга ўхшаш актив сотиб олингандаги тўланиши керак бўлган пул маблағлари ёки уларнинг еквивалентлари бўйича акс еттирилади.
Умумий фойдаланиш учун мўлжалланган молиявий ҳисоботлар (“молиявий ҳисоботлар” деб аталади) – бу шундай фойдаланувчиларнинг ахборотга бўлган талабларини қондиришга қаратилган молиявий ҳисоботларки, бу фойдаланувчилар уларнинг ахборотга бўлган махсус талабларига мослаштирилган ҳисоботларни хўжалик субъектидан талаб қила олмайди.
Ижара - ижарага берувчи ижарачига бир ёки бир неча тўловлар евазига келишилган муддат давомида активдан фойдаланиш ҳуқуқини беришини кўзда тутадиган келишувдир.
Активларга тегишли грантлар - бу давлат грантлари бўлиб, уларнинг асосий шарти уларни олиш талабарига жавоб берадиган ташкилот узоқ муддатли активларни сотиб олиши, барпо етиши ёки бошқа шаклларда харид қилиши керак.
Даромадга тегишли грантлар - бу активларга тегишли грантлардан ташқари давлат грантларидир.
Дастлабки бевосита харажатлар – ижара келишувини тайёрлаш ва тузиш билан бевосита боғлиқ бўлган қўшимча харажатлар, бундан ишлаб чиқарувчи ёки дилерлар бўлган ижарага берувчилар томонидан амалга оширилган бу каби харажатлар мустасно.
Давлат - давлат, давлат идоралари ва маҳаллий, миллий ёки халқаро миқёсдаги ўхшаш органларини англатади .