Ўзбекистон республикаси олий ва ўрта махсус таълим вазирлиги самарқанд иқтисодиёт ва сервис институти халқаро молиявий ҳисобот стандартлари

3-мисол. АВС компанияси Martin компанияси активларини $800.000 харид қилиб олишга қарор қилди. Бундан ташқари АВС компанияси Martin компаниясининг $200.000 “mortgage note” тўланадиган счёти бўйича ҳам жавобгарликни ўз зиммасига олишга розилик билдирди. Гудвил бу компания активларини сотиб олиш нархи билан ушбу активларнинг қиймати ўртасидаги фарқ сифатида юзага келади. АВС компаниясининг гудвили қуйидаги тартибда аниқланади.
Тўланган пул.................................................................$800.000
“Mortgage note” тўланадиган счёти............................200.000
Жами тўланадиган сумма.........................................$1.000.000
Индивидуал идентификацияланадиган
активларнинг бозор қиймати:
Олинадиган счётлар.............................$80000
Товар захиралари.................................110000
Ер..........................................................220000
Бино......................................................250000
Асбоб-ускуналар...................................180000
Патентлар............................................50000 $890.000
Гудвил (1000000 – 890000).............................................. $110.000
Корхонанинг ўзи томонидан яратилган брендлар, савдо маркаси, титул маълумотлари, наширлик ҳуқуқи, мижозлар ҳуқуқи ва бошқа шунга ўхшаш аналогик моддалар номоддий актив сифатида тан олинмайди. Чунки, бу моддалар умумий бизнесга сарфланган харажатлардан фарқ қилмайди.
Стандартнинг 24-бандига нисбатан корхонанинг ўзи томонидан яратилган номоддий активлар таннархи биринчи марта 21, 22 ва 57-бандларида тан олиш мезонларига жавоб берадиган санадан эътиборан амалга ошириладиган харажатлар суммасига тенг бўлади.
Мустақил яратилган номоддий активлар таннархига уни яратиш, ишлаб чиқариш ва фойдаланишга тайёрлаш билан боғлиқ бўлган тўғридан-тўғри харажатлар киради. Тўғридан-тўғри харажатларга мисол қилиб:
а) Номоддий активни яратишда фойдаланадиган ёки истеъмол қилинган материал ва хизматлар таннархи;
b) ходимларни рағбатлантириш харажатлари;
с) юридик ҳуқуқни қайд қилиш учун зарур бўлган тўловлар;
d) номоддий активни яратиш учун фойдаланилган патент ва лицензияларнинг амортизацияси.
Ресурслардан самарасиз ва мақсадсиз фойдаланиш билан боғлиқ устама харажатлари капиталлаштирилмайди ва давр харажатларига олиб борилади. Тўғридан-тўғри яратилаётган активга тааллуқли бўлмаган умумий маъмурий харажатлар давр харажатларига олиб борилади.
Кредитларга хизмат қилиш билан боғлиқ харажатлар 23-сон “Қарзлар бўйича харажатлар” стандартига мувофиқ капиталлаштирилади.