Ўзбекистон республикаси олий ва ўрта махсус таълим вазирлиги самарқанд иқтисодиёт ва сервис институти

2.2. Самарқанднинг маданий-тарихий туристик ресурслари 
 
Самарқанднинг кўп асрлик тарихи давомида ҳудудда маданият, санъат, 
фан, савдо-сотиқ ва ҳунармандчилик ривож топди, кўплаб бинолар, иншоотлар 
қурилди. Айниқса, буюк соҳибқирон Амир Темур даврида Самарқанд шаҳри
янада гўзаллашди. 
Ҳозирги кунда вилоят маданий-тарихий туристик ресурсларга бой 
ҳисобланади. Самарқанднинг меъморий-тарихий ёдгорликлари 2001 йилда 
ЮНЕСКОнинг Финландияда ўтказилган 25-сессиясида жаҳон мероси 
рўйхатига киритилган.
Ўзбекистоннинг бу туристик масканида Афросиёб (эрамиздан олдинги 
VIII аср) шаҳарчаси, Регистон майдони, Мирзо Улуғбек расадхонаси, Шохи 
Зинда архитектура мажмуаси, Ҳазрати Ҳизр масжиди, Бибихоним масжиди, 
Чорсу бозори, Рухобод мақбараси, Оксарой мақбараси, Амир Темур мақбараси, 
Намозгоҳ масжиди, Ашратхона мақбараси, Хўжа Аҳрори Валий мажмуаси, 
Чўпон-Ота мақбараси, Хожа Абду Дарун қабристони, Имом ал-Бухорий 
ёдгорлик мажмуаси, вилоят туманларидаги Остона-бобо зиёратгоҳи, Қарнобчўл 
эколандшафтлари, Эргаш Жуманбулбул ўғли достончилик мактаби, Хўжа 
Карзонота зиёратгоҳи, Қўтирбулоқ дам олиш маскани ва шифобахш булоғи, 
Добуссия қалъа харобалари, Зарафшон дарёси ва Зарафшон қўриқхонаси, «Чор 
чинор» зиёратгоҳи, Ғовсул Аъзам зиёратгоҳи, Тешиктош, Қайнар, Ширвоғота 
зиёратгоҳи ва дам олиш масканлари, Омонқўтон дам олиш масканлари, эски 
давон йўллари, тахти Қорачабегим саройи хароболари каби кўплаб туристик 
объектлардан 
минтақада 
туризм 
соҳасини 
жадал 
суръатлар 
билан 
ривожлантириш учун фойдаланиш мумкин. 
Вилоят ҳудудида 975 археологик, 581 меъморий, 34 зиёратгоҳ жой, 36 
монументал, 11 музейлар – жами 1626 та тарихий-маданий мерос объектлари 
мавжуд (1-жадвал).