Ўзбекистон республикаси олий ва ўрта махсус таълим вазирлиги самарқанд давлат университети

б) ишчи кучларига таклифни камайтириш усули. 
Ишчи кучларига бўлган таклифни камайтириш, шунингдек, 
уларнинг меҳнат бозорига оқиб келишини қисартириш ва бошқа жойга 
кетишни рағбатлантириш ҳамда иш вақти ва мавжуд иш жойларини 
ижтимоий ишлаб чиқаришда банд бўлганлар ўртасида қайта тақсимлаш 
орқали самарали бандлигини ташкил этиш мумкин. Республикамизда 
«Кадрлар тайёрлаш миллий дастури» асосида умумтаълим дастурларини 
кенгайтириш ва ўқиш муддатини узайтириш билан касбий тайёргарликни 
яхшилаш, ўқув юртларида кундузги таълим оладиган талаба ўринларини 
кўпайтириш ва кечки ҳамда сиртқи ўқувдаги талаба ўринларини 
қисқартириш, ишлаб чиқаришдан ажралаган ҳолда ўқиётганларга 
стипендияларни ошириш, аёларга бола парвариши учун тўлданадиган 
нафақалар ва бериладиган таълим муддатини кўпайтириш. Меҳнат 
стажини ҳисоблашда уларга имтиёз бериш; пенсионерлар, ногиронлар
ҳамда уларни парваришлайдиган шахсларнинг пенсияларини ошириш – 
меҳнат бозорида ишчи кучлари оқиб келишини камайтириш чора-
тадбирлари ҳисобланади. 
Иш билан бандлар орасида иш вақти ва иш жойлари ишчи 
кучларига 
бўлган 
таклифни 
камайтириш 
мақсадларида 
қайта 
тақсимланади. Аҳоли бандлигининг хусусий ва вақтинчалик шаклларига 
ўтишларни рағбатлантиришга уларга ҳам иш билан тўла банд қилинган 
шахсларга мўлжалланган ижтимоий таъминотнинг турларини, таътиллар 
ва ижтимоий кафолатларнинг миқдорларини ўрнатиш, кафолатланган энг 
кам миқдордаги иш ҳақи билан таъминлаш, ҳар йили бериладиган 
таътилларни ўз вақтида бериш, иш куни ва иш ҳафтаси давомийлигини 
қисқартириш орқали эришиш мумкин. 
Мамлакатимизнинг ишчи кучи етишмайдиган минтақалари (Жиззах, 
Сирдарё вилоятлари ва қорақалпоғистон Республикаси)да ишчи кучларига 
талабни камайтириш ҳамда улар таклифини кўпайтириш меҳнат бозорини 
тартибга солишнинг мақсадга мувофиқ усулларидир. 
Ушбу усулларнинг моҳияти қуйидагилардан иборат: