ўқув ишлари бўйича (аудитория юкламаси-дан ташқари)
ўқув-методик, илмий ва илмий-методик ишлар бўйича
ташкилий-методик ва ташкилий-педагогик ишлар бўйича
маънавий-маърифий ишлар бўйича
1-ярим йиллик
режа
амалда
2-ярим йиллик
режа
амалда
Йиллик жами:
режа
амалда
Фарқи (-;+)
Фарқи (%)
Эслатма: Ишлаб чиқариш таълими уста иш турларининг бажарилгани бўйича асословчи ҳужжатлар ва ҳисоботларни жамлаб боради. Иш турларининг бажарилганлиги тегишли ишлаб чиқариш таълими устаси, бош уста ва ишлаб чиқариш бўйича директор ўринбосари томонидан ўқув машғулотлари журнали, бошқа тегишли ҳужжатлар ва ҳисоботлар билан солиштирилиб, кўрсатилган маълумотларнинг тўғрилигига ишонч ҳосил қилингандан кейин ушбу шакл улар томонидан имзоланади.
Ишлаб чиқари таълими устаси_______ _________________
(имзо) (Ф.И.Ш.)
Бош уста ___________ ______________________
(имзо) (Ф.И.Ш.)
Изоҳ: кафедра мудири, бош уста ва ишлаб чиқариш бўйича директор ўринбосари томонидан шахсий йиллик иш режаларининг бажарилганлиги текширилгандан кейин, ушбу шакл улар томонидан тўлдирилади ва имзоланади.
ИШЛАБ ЧИҚАРИШ ТАЪЛИМИ УСТАЛАР ШАХСИЙ ЙИЛЛИК ИШ РЕЖАСИНИНГ БАЖАРИЛИШИ ТЎҒРИСИДАГИ ЙЎРИҚНОМА
I. Умумий қоидалар 1. Ўрта махсус, касб-ҳунар таълими муассасалари ишлаб чиқариш таълими усталари учун намунавий йиллик иш режасини тасдиқлаш тўғрисида
(Ўзбекистон Республикаси қонун ҳужжатлари тўплами, 2016 й., 40-сон, 472-модда)
[Ўзбекистон Республикаси Адлия вазирлиги томонидан 2016 йил 5 октябрда рўйхатдан ўтказилди, рўйхат рақами 2830]
Ўзбекистон Республикаси Президентининг 2008 йил 30 июлдаги ПҚ-929-сон «Ўрта махсус, касб-ҳунар таълими муассасалари ходимларини моддий рағбатлантиришни кучайтириш ва улар меҳнатига ҳақ тўлаш тизимини такомиллаштириш чора-тадбирлари тўғрисида»ги қарори Мазкур Йўриқнома Ўзбекистон Республикаси Вазирлар Маҳкамасининг 2008 йил 1 августдаги “Ўрта махсус, касб-ҳунар таълими муассасалари ходимлари меҳнатига ҳақ тўлашнинг такомиллаштирилган тизимини тасдиқлаш тўғрисида”ги 165-сонли қарори ҳамда Ўрта махсус, касб-ҳунар таълими маркази, Меҳнат ва аҳолини ижтимоий муҳофаза қилиш вазирлигининг 2008 йил 25 ноярдаги 47 Қ/Б, 72-сонли қўшма қарори билан тасдиқланган “Академик лицей ва касб-ҳунар колллежлари ишлаб чиқариш таълими усталарининг иш ҳақиларини ҳисобланиши ва тарификациялаш тартиби бўйича услубий кўрсатмалар”га мувофиқ ишлаб чиқилган бўлиб, академик лицей ва касб-ҳунар коллежлари ишлаб чиқариш таълими усталарининг шахсий йиллик иш режа (юклама)си ва унинг бажарилиши ҳисоботини юритиш тартибини белгилайди.
2. Йўриқнома ўрта махсус, касб-ҳунар таълими муассасалари ишлаб чиқариш таълими усталарининг шахсий йиллик иш юкламалари ҳисоботини юритишга ягона ёндашувни таъминлайди.
3. Ўрта махсус, касб-ҳунар таълими муассасаларининг ишлаб чиқариш таълими усталари учун намунавий йиллик иш режалари ҳамда ишлаб чиқариш таълими усталарнинг асосий фаолият турларига сарфланадиган вақт меъёрлари ва шахсий йиллик иш режаларининг бажарилиши ҳисоботи барча касб-ҳунар коллежларида жорий этилади ҳамда мазкур қарор билан тасдиқланган иловаларга мувофиқ амалга оширилади.
4. Ишлаб чиқариш таълими устанинг шахсий йиллик иш режасини электрон варианти барча таълим муассасаларига етказилади ва ҳар бир ишлаб чиқариш таълими уста шу асосида ҳисобот олиб боради.
II. Ишлаб чиқариш таълими усталарнинг шахсий йиллик иш юкламаларини режалаштириш 5. Ўрта махсус, касб-ҳанар таълими муассасалари педагог ходимлари меҳнатини нормаллаштириш шахсий йиллик иш режаларига асосланади.
6. Шахсий йиллик иш режаси ўқув ишлари, ўқув-методик, илмий ва илмий-методик ишлар, ташкилий-методик ва ташкилий-педагогик ишлар ҳамда маънавий-маърифий ишлар туридаги асосий тадбирларни бажариш учун зарур бўлган иш турлари вақтининг сарфи кўрсатилган ҳолда уларнинг рўйхатини ўз ичига олади.
7. Ишлаб чиқариш таълими усталарнинг шахсий йиллик иш режаси бир йилда 1865 соат миқдоридаги иш вақтининг жамланган ҳисобидан келиб чиқади.
8. Ишлаб чиқариш таълими усталарнинг шахсий йиллик иш режалари таълим муассасаси директорининг ишлаб чиқариш таълими бўйича ўринбосари томонидан ҳар бир ишлаб чиқариш таълими устанинг билим ва иш тажрибасидан келиб чиққан ҳолда тегишли иш турлари бўйича ўқув йилининг бошида белгилаб олинади ва педагогик кенгашда муҳокама қилиниб, ўрнатилган тартибда расмийлаштирилади.
9. Ўрта махсус, касб-ҳунар таълими маркази томонидан ишлаб чиқилган ва тасдиқланган амалдаги ишлаб чиқариш таълими усталари учун намунавий шахсий йиллик иш режаларини академик лицей ёки касб-ҳунар коллежи раҳбарияти йиллик иш режасидаги умумий соатлардан чиқмаган ҳолда, бўлимлар учун ажратилган соатлар ҳажмини умумий белгиланган нормативларга нисбатан 30 фоизгача камайтириши ёки кўпайтириши мумкин.
10. Ҳар бир таълим муассасаси йўналишлари хусусиятларини инобатга олган ҳолда шахсий йиллик иш режаларини ишлаб чиқишда ўрта махсус, касб-ҳунар таълими муассасаси раҳбарияти томонидан иш вақти меъёр (соат)ларига умумий белгиланган нормативларга нисбатан 20 фоизгача ўзгартиришлар киритилиши мумкин.
11. Молия вазирлиги билан келишилган, шунингдек, Ўрта махсус, касб-ҳунар таълими маркази ҳамда Меҳнат ва аҳолини ижтимоий муҳофаза қилиш вазирлигининг 2012 йил 30 декабрдаги “Академик лицей ва касб-ҳунар коллежлари намунавий штатларини тасдиқлаш тўғрисида”ги 70/ҚҚ, 78/ҚҚ-сонли қўшма қарорининг 24-бандига асосан касб-ҳунар коллежининг амалиёт ўтайдиган ҳар бир гуруҳига 1,0 бирлик ишлаб чиқариш таълими устаси лавозими берилмаган ҳолатларда ишлаб чиқариш таълими усталарга берилган ўқув, ишлаб чиқариш ва диплом олди (педагогик) амалиётлари соатлари учун педагогик юкламаларнинг бажарилиши Марказнинг 2014 йил 8 августдаги УС-01/05-254-сонли хатига асосан амалга оширилади.
12. Кўзда тутилмаган бошқа ишлар қўшимча асосланган ҳолда ишлаб чиқариш таълими устанинг шахсий йиллик иш режасига киритилиши мумкин, бироқ белгиланган тартибда режалаштирилган иш турлари (педагогик юклама)дан ташқари бажарилган ортиқча педагогик юклама соатларига қўшимча ҳақ тўланмайди.
III. Ишлаб чиқариш таълими усталарнинг шахсий йиллик иш режаларининг бажарилиши 13. Шахсий йиллик иш режаларининг бажарилишига кўра ҳар бир ишлаб чиқариш таълими устаси биринчи ярим ва йиллик якунлари бўйича асосли равишда ҳисобот ёзади ва педагогик юклама жамланмасига қўшиб, архивга топширади.
14. Ўрта махсус, касб-ҳунар таълими муассасаси директори томонидан тасдиқланган ишлаб чиқариш таълими усталарнинг тарификация жадвали фан ишлаб чиқариш таълими устасининг шахсий йиллик иш режасини тузиш учун асос бўлиб хизмат қилади.
15. Алоҳида ҳолларда ишлаб чиқариш таълими устанинг розилиги билан ўзининг асосий иши билан биргаликда ишда вақтинча бўлмаган ходимларнинг вазифаларини бажаришига йўл қўйилади ва бунда лавозимларни бирга қўшиб олиб бориш бўйича иш вақтининг жами давом этиши иш вақтининг нормал давом этиш муддатининг 50 фоизидан ортиқ бўлиши мумкин эмас.
16. Ишлаб чиқариш таълими уста шахсий йиллик иш режасининг бажарилиши ҳар ойнинг якунида кафедра йиғилишида муҳокама қилиб борилади.
17. Шахсий йиллик иш режасида белгиланган иш турларини ўз вaқтидa бажарилиши ва уни ўрнaтилгaн тaртибдa тўлдириб бoриш ҳaр бир ишлаб чиқариш таълими уста учунмaжбурийдир.
18. Йиллик (семестр) иш режаларининг бажарилишини назорат қилиш ўрта махсус, касб-ҳунар таълими муассасаси раҳбари томонидан амалга оширилади.
19. Махсус комиссия ўрта махсус, касб-ҳунар таълими муассасасида алоҳида ўрнак кўрсатган ходимларни рағбатлантиришда фан ишлаб чиқариш таълими устасининг шахсий йиллик иш режаси ҳисоботидан фойдаланиши тавсия этилади.
20. Ўрта махсус, касб-ҳунар таълими муассасасининг ҳар бир ишлаб чиқариш таълими устаси шахсий йиллик иш режаси бажарилишини педагогик кенгашда ёки ўрта махсус, касб-ҳунар таълими муассасасининг бошқа коллегиал органи йиғилишида ҳар йили камида бир марта ҳисобот беради.
IV. Якуний қоидалар 21. Ўқув йили якунида таълим муассасаси директорининг ишлаб чиқариш таълими бўйича ўринбосари томонидан ҳар бир ишлаб чиқариш таълими устасининг шахсий йиллик иш режаси ва унинг бажарилиши ҳисоботи далолатнома асосида таълим муассасасининг архивига топширилади ва камида 3 йил сақланади.
