Ўзбекистон республикаси олий ва ўрта махсус таълим вазирлиги ўрта махсус касб-ҳунар таълими маркази

Фанни ўрганиш натижасида ўқувчилар қуйидаги билимларга эга бўлишлари керак:

• 
  чизмаларга қўйиладиган талаблар, уларга оид қонун-қоидалари билан танишиш;
  
• 
  чизмаларда ҳар бир чизиқнинг ўрни, чизмачилик ёзувларидан фойдаланиш ва туташмалар бажариш ҳақида тушунча;
  
• 
  техникада ишлатиладиган ҳар бир деталнинг геометрик сиртлардан тузилганлиги ва уларни ясаш усуллари;
  
• 
  деталларга қирқим бериб ички кўринишини ўрганиш;
  
• 
  деталга қараб тасвирларни қўлда , тезда бажариш усули;
  
• 
  тишли ғилдираклар ва резьба тишларини чизмада соддалаштиришлардан фойдаланиб чизиш усули;
  
• 
  йиғиш чизмасида деталларнинг бириктирилиши, жойлашиши, тасвирланиши ва деталларга ажратилиши ҳамда ўқиш усуллари;
  
• 
  схемаларни шартли белгилар орқали тузилиши ва турлари ҳақида тушунча.
  

Фаннинг ўқув режадаги бошқа фанлар билан ўзаро боғлиқлиги, услубий жиҳатидан узвийлиги ва кетма-кетлиги.
Ўқитувчи ушбу фанни ўқитишда ўқувчиларнинг „Физика“, „Математика“ фанларидан олган билмларига асосланади. Чизмачилик фани шунингдек кимё, информатика ва умумкасбий фанлари билан ўзаро боғлиқ, услубий жиҳатидан узвий ва кетма-кетдир.
Фанни ўқитишда замонавий ахборот ва педагогик технологиялардан фойдаланиш учун тавсиялар.
Фанни ўқитишда ўқувчиларнинг амалий билим ва кўникмаларини ошириш мақсадида илғор педагогик технологиялардан кейс-стади, лойиҳалар усули, муаммоли усул, ақлий ҳужум, баҳс, ўйин шунингдек, таълим олувчиларни янада фаоллаштиришга йўналтирилган интерфаол усуллардан ўринли фойдаланиш яхши самара беради. Бугунги кунда муаммоли, табақалаштирилган, индивидуаллаштирилган, компютерли, тўлиқ ўзлаштириш ўқитиш технологиялари, мультимедиа технологияларидан фойдаланиш ёрдамида талабаларнинг билим имкониятлари ва ижодий қобилиятларини ривожлантиришга йўналтирилган ўқитиш усулларидан фойдаланиш кенг йўлга қўйилган. Бундай ноанъанавий, интерфаол машғулот турлари кўп бўлиб, уларни дарс мавзусининг хусусиятларига ҳамда дарсдан кўзда тутилган мақсадларга мувофиқ танлаш лозим. Ноанъанавий дарс усулларини танлашда ўқувчиларнинг ўзлаштириш қобилияти, уларнинг шахсий сифатлари, моддий-техник таъминот, дарсни ўқитиш учун зарур бўладиган кўргазмали воситаларнинг мавжудлигини ҳам инобатга олиш талаб этилади. Интерфаоллик даражаси қанчалик юқори бўлса, таълим бериш жараёни шунча натижали бўлади. Интерфаол усуллар ўқувчилар зарур билимларни ўзлаштирганда, мулоқотга кириша олиш қобилиятига эга бўлганда, ўзаро ҳамкорликда ишлай олганда, ижодкорлик қобилиятини намоён қила билганда, мустақил фикрлаб, уни эркин баён қилиб ва ҳимоя қила олиш кўникмаларига эга бўла олган тақдирдагина ўз самарасини беради.