Ўзбекистон республикаси олий ва ўрта махсус таълим вазирлиги ўрта махсус, касб-ҳунар таълими маркази

Фаннинг мақсади ва вазифаси

Фаннинг мақсади: «Конструкцион материаллар» фани моҳияти, кенг қўлланиладиган металлар, қотишмалар ва нометалл конструкцион материалларнинг олиниш асослари, уларнинг хоссалари, совуқ ва иссиқ холда ишлов бериш, шунингдек машинасозлик технологияси асосларини илмини ўзлаштириш кўзда тутади.
Фаннинг вазифаси: «Конструкцион материаллар» фани машинасозликда кенг кўламда ишлатиладиган металл ва металлмас материаллларнинг тузилиши ва асосий хоссаларини ўқувчиларга ўргатишдан иборат.
Билимлар: Фанни ўрганиш натижасида ўқувчилар қуйидаги билимларга эга бўлишлари керак:
-қора ва рангли металлар металлургияси,
- металшунослик асослари, пластмассалар,
- қуймакорлик, босим билан ишлаш,
-пайвандлаш, кесиш ва кавшарлаш,
-металларни кесиб ишлаш ва дастгоҳларнинг умумий тузилиши, турлари ва ишлатилиши.
Кўникмалар: Фанни ўрганиш натижасида ўқувчилар қуйидаги кўникмаларга эга бўлишлари керак:
-металлар ва қотишмаларнинг тузилиши ва хоссаларини билган ҳолда улардан енгил, юқори сифатли, арзон маҳсулотлар (деталлар) тайёрлаш технологиясини эгаллаш;
-пайвандлаш жараёнида, унумли юқори самарадорлиги ва сифатли пайванд чок ҳосил қилувчи пайвандлаш усулларидан фойдаланиш;
-металларни босим билан ишлов беришда уларнинг хоссаларидан келиб чиқиб иссиқ ва совуқ ҳолда ишлов бериш;
-металларни кесиб ишлов беришда кесиш элементлари ва усулларидан унумли фойдаланиш.

Фаннинг ўқув режадаги бошқа фанлар билан ўзаро боғлиқлиги, услубий жихатидан узвийлиги ва кетма-кетлиги.
Ушбу фанни ўзлаштириш учун математика, физика, кимё фанларини, шунингдек техник механика, умумий электротехника ва электроника асослари каби фанларни чуқур ўзлаштирган бўлишлари талаб этилади.
Ўқувчи кимёвий элементларнинг тузилиши ва хоссаларини билсагина автомобиль деталларини нима учун турли хил металл қотишмаларидан тайёрланганлигига баҳо бера олади. Шунинг учун ўқув режага кўра юқорида келтирилган фанларни ўзлаштиргандан сўнг ўқувчи « Конструкцион материаллар» фанини ўзлаштиришга кириши кўзда тутилган.