Ўзбекистон республикаси олий ва ўрта махсус таълим вазирлиги ўрта махсус, касб-ҳунар таълими маркази

ЙЎЛ ҲАРАКАТИ ҚОИДАЛАРИ ВА ҲАРАКАТ
ХАВФСИЗЛИГИ ФАНИДАН
ЎҚУВ ДАСТУР

Тузувчилар:	Ж.Р. Кульмухамедов	Тошкент автомобиль ва йўллар КҲК директори
	С.О.Миршахўжаев	Тошкент автомобиль ва йўллар КҲК ўқув ишлари бўйича директор ўринбосари
	С.С.Рахимбердиев М.Д.Абдиримов Ж.Т.Самиев	Тошкент автомобиль ва йўллар КҲК махсус фан ўқитувчилари
Тақризчилар:	Р.Жўрабеков	Тошкент вилояти ИИБ ЙХХБ РИБ бошлиғининг ўринбосари подполковник

Фан дастури Ўрта махсус, касб-ҳунар таълими муассасаларини Ахборот-методик таъминлаш хизмати ҳузуридаги “Ўқув-методик бирлашмаларни”нинг 2015 йил 25 декабрдаги 1-сонли йиғилиш баённомаси ҳамда Олий ва ўрта махсус, касб-ҳунар тайёрлов йўналишлари бўйича Мувофиқлаштирувчи кенгашнинг 2016 йил 19 январьдаги 1-сонли мажлис баёни билан маъқулланган.
Кириш.
Мустақил Ўзбекистон Республикаси Олий Мажлиси сессиялари ва Ҳукумат қарорларида транспортнинг халқ хўжалигини ривожлантиришдаги асосий йўналишлари. Транспортни, жумладан автомобил транспортини ривожлантириш учун Республика ҳукуматининг олиб борган ва олиб бораётган ислоҳотлари. Ўзбекистон Республикаси Президентининг 2001 йил 4 июндаги ПФ-2871-сонли “Автомобил транспорти соҳасида монополиядан чиқариш ва бошқаришни такомиллаштириш тўғрисидаги ” фармони.


Фаннинг мақсади
Бўлажак автомобил воситалари ҳайдовчисига йўл ҳаракати қоидалари, йўлларда ҳаракатланиш хавфсизлигини таъминлаш, транспорт воситаларини хавфсиз бошқариш ва йўл транспорти ҳодисаси содир этилганда жароҳатланганларга биринчи тиббий ёрдам кўрсатишни ўргатиш.