Ўзбекистон республикаси олий ва ўрта махсус таълим вазирлиги ўрта махсус, касб-ҳунар таълими маркази

Фаннинг мақсад ва вазифалари.
Амалиётнинг мақсади: Ўқувчиларга амалиётни ўтиш даврида ўзларини кузатишлари асосида хулоса чиқаришни, дастгоҳларда ишлаш вақтида учраши мумкин бЎлган қийинчиликларни мустақил бартараф этишни, ўқув ишлаб чиқариш даврида олган назарий билимларини амалиётда қўллашни ўргатади.


Фан бўйича ўқувчининг ўзлаштириши лозим бўлган билим ва кўникмалари.
Билим: Ўқувчилар амалиётни ўтаб бўлгач қуйидаги билимларга эга бўлишлари керак:
металларга ишлов бериш дастгоҳлари, турлари;
дастгоҳларда ишлашда техника хавфсизлигини билиш;
дастгоҳларга металлни (буюмни) ўргатиш усулларини билиш;
дастгоҳларга кескич ва пармаларни ўрнатиш қоидаларини билиш;
дастгоҳларда ишлов берилган деталлар ўлчамларини текширишни билиш;
ҳар хил дастгоҳларда металларга ишлов бериш усулларини билиш.
Кўникма: Ўқувчилар амалиётни ўтаб бўлгач қуйидаги кўникмаларга эга бўлишлари керак:
металларга дастгоҳларга кескич билан ишлов бериш;
дастгоҳларда металларга механик ишлов бериш;
металларни дастгоҳларда рандалаш;
металларга силлиқлаш дастгоҳларида ишлов бериш.


Фанлараро алоқалар.
Юқорида айтиб ўтилган вазифалардан келиб чиқиб, ҳозирги ёшларнинг касб маҳоратини оширишга нисбатан қуйидаги аниқ талаблар қуйилади: чуқур умумтаълим, сиёсий ва касбий тайёргарлик; касбий фаолиятни тўхтовсиз равишда такомиллаштириб бориш ва бунинг натижаси ўлароқ, меҳнат унумдорлигини ўстириш ҳамда ишлар сифатини яхшилаш бобида юқори натижаларга эришиш: ўз билими ва малакасини мунтазам равишда ошириб ҳамда новаторлар, ишлаб чиқариш илғорлари тажрибасини доимо ўрганиб бориб, ижодий фойдаланиш. Шу нуқтаи назардан бўлғуси мутахассисларга билимларнинг бирор минимумини бериш билангина чекланиб қолмасдан, уларни янги қийин муаммоларни мустақил ҳал этишга, ҳақиқий новаторликка, чуқур билим олишга ўргатиш ҳам зарур.


Фанни ўқитишда илғор педагогик ва ахборот технологиялар.
Касб-ҳунар таълими тизимида малакали кичик мутахассисларни тайёрлаш кўп жиҳатдан махсус фан ўқитувчилари ва муҳандис-педагогга боғлиқдир. Ишлаб чиқариш таълими жараёнида касбий кўникма ва малака тизими яратилади, ўқувчилар керакли ишлаб чиқариш тажрибасига, касбий маҳоратга эга бўлади. Шунинг учун ҳар бир педагог ўз соҳасининг устаси, моҳир тарбиячи, жонкуяр ва фидоий бўлиши даркор. У ўз устида тинмай изланиши, ўз ишига ижодий ёндошиши, ўқувчиларни фанга қизиқтира олиши керак. Бунга эришиш учун эса касб-ҳунар коллежлари махсус фан ўқитувчилари ва муҳандис-педагоглари ишлаб чиқариш жараёнининг ва ўз меҳнат фаолиятининг мазмунни тўғри режалаштира олиши, таълим жараёнига педагогик технологияларни қўллай олиши, ахборот технологияларини билиши ҳамда замонавий техника воситалардан дарс жараёнида самарали фойдалана олиши керак бўлади.