Ўзбекистон республикаси олий ва ўрта махсус таълим вазирлиги ўрта махсус, касб-ҳунар таълими маркази

ЎЗБЕКИСТОН РЕСПУБЛИКАСИ ОЛИЙ ВА ЎРТА МАХСУС ТАЪЛИМ ВАЗИРЛИГИ


ЎРТА МАХСУС, КАСБ-ҲУНАР ТАЪЛИМИ МАРКАЗИ

Рўйхатга олинди № 3321008	“ТАСДИҚЛАНДИ” Олий ва ўрта махсус таълим вазирлигининг 2016 йил 6 апрелдаги 137-сонли буйруғи

КАСБ-ҲУНАР КОЛЛЕЖЛАРИНИНГ
3321008- Мева, сабзавот маҳсулотларини қайта ишлаш бўйича
техник-технолог
касби бўйича
ЎҚУВ ДАСТУРЛАРИ ТЎПЛАМИ


Тошкент-2016

“МЕВА-САБЗАВОТ МАҲСУЛОТЛАРИНИ ҚАЙТА ИШЛАШ ЖАРАЁНЛАРИ

МАШИНА ВА ЖИХОЗЛАРИ” ФАНИДАН
ЎҚУВ ДАСТУРИ
Тузувчилар: Зангиота тумани Кенсой Агросаноат ва бизнес
касб-ҳунар коллежи махсус фан ўқитувчиси Ё.Рихсихўжаев
ЎМКҲТ маркази ахборот методик хизмати
етакчи услубчиси Ю.Кенжаев
Тақризчи: Тошкент кимё-технология институти,
Озиқ-овқат маҳсулотлари технологияси факултети
Озиқ-овқат ҳавфсизлиги кафедраси мудири, т.ф.н А.Ж.Чориев
Фан дастури Ўрта махсус, касб-ҳунар таълими муассасаларини Ахборот-методик таъминлаш хизмати ҳузуридаги “Ўқув-методик бирлашмаларни”нинг 2015 йил 25 декабрдаги 1-сонли йиғилиш баённомаси ҳамда Олий ва ўрта махсус, касб-ҳунар тайёрлов йўналишлари бўйича Мувофиқлаштирувчи кенгашнинг 2016 йил 26 мартдаги 2-сонли мажлис баёни билан маъқулланган.


КИРИШ
Қайта ишланган мева-сабзавот маҳсулотлари ишлаб чиқариш қувватини ошириш, ассортимент хилини кенгайтириш, мева-сабзавот маҳсулотларини сифатини яхшилаш илмий-техник ривожланишнинг ўсиши билан бевосита боғлиқ.
Мева-сабзавот маҳсулотларини қайта ишлаш корхоналари қувватини кўтариш ва иш унумдорлигини оширишда қурилмаларнинг аҳамияти каттадир.
Мева-сабзавот маҳсулотларини қайта ишлаш соҳасида ишлатиладиган қурилмалар ва ускуналар мошинасозлик саноати томонидан айрим-айрим ҳолда ёки узлуксиз иш жараёнини бажарувчи линиялар сифатида тайёрланилади.
Бугунги кунда консерва корхоналарида жуда кўп чет эл линияларидан фойдаланилмоқда. Улардаги ишлаб чиқариш жараёнлари шундай ташкил қилинганки, уларга киритилган хом ашё жараён охирида қадоқланган ҳолдаги тайёр маҳсулот ўринишида қабул қилинади. Масалан, Италиянинг ва Швейтсариянинг «Тетра-Пак» линиялари ёки Америка ва Австралиядан келтирилган асептик ҳолда қадоқловчи линиялар. Шу билан биргаликда фан тарихи ва ривожининг тендентсияси, истиқболи ҳамда республикамиздаги ижтимоий - иқтисодий ислоҳотлар натижалари ва худудий муаммоларнинг консервалаш соҳасининг истиқболига таъсири масалаларини қамрайди.