Ўзбекистон республикаси олий ва ўрта махсус таълим вазирлиги рўйхатга олинди

КУРС ИШЛАРИ(ЛОЙИҲАЛАРИ) БЎЙИЧА КЎРСАТМАЛАР

Замоновий иқтисодчи кенг қамровли билимларга эга бўлиши, назарий билимларни амалий вазифалар билан боғлай олиши лозим. Бу мақсадга эришиш талабадан ўз устида тинмай ишлашни, назарий ва амалий билимларини доимий равишда бойитиб бориши учун мазкур фандан курс ишини бажариш талаб этилади.

Курс ишида талабанинг олий ўқув юртида таҳсил олиши давомида тўплаган назарий ва амалий билимлари юзага чиқади, талабанинг назарий билимлар билан қуролланиш даражаси, малака ва кўникмаси илмий-ишлаб чиқариш вазифаларини ечишга қай даражада қўллай олиши орқали намоён бўлади.
Курс ишида аниқ бир амалий вазифани ечиш вазифаси қўйилиши муҳимдир. Тадқиқот объекти сифатида муайян бир бозор объекти ёки фирмалар олиниши мумкин. Курс ишида бир ёки бир-бири билан боғланган бир нечта масалаларни назарий ва амалий чуқур таҳлил этилиши талабанинг муаммони мустақил англай билишига ва сабабий боғлиқликда мантиқий хулосалар ясай олиш маҳоратининг шаклланишига олиб келади.
Курс ишлари муваффақиятини аниқлайдиган муҳим ва масъулиятли вазифалардан бири – тадқиқот мавзусини танлашдир. Мавзуларга қўйиладиган умумий талаб – уларнинг долзарблиги, ишлаб чиқариш эҳтиёжлари ва муаммолари билан боғлиқлигидир. Улар ҳозирги замон талаблари ва қишлоқ хўжалигини ривожланиш тенденциялари истиқболларидан келиб чиқиши зарур.
Курс иш мавзуси кенг қамровли назарий ва амалий хусусиятга эга бўлиши ва объект тўғрисида энг муҳим вазифаларини қамраб олиши ва илмий йўналишида тахлил қилинишини назарда тутиши лозим. Курс иш мавзуси муаммонинг замонавий ҳолатини ва иқтисодиёт, бизнес, ишлаб чиқариш, ижтимоий соҳалар, фан, таълим ва маданиятнинг истиқболий ривожланишини акс эттириши керак.
Курс ишини бажариш қуйидаги босқичлардан ташкил топади:
1. Курс иши мавзусини танлаш. Курс ишлари муваффақиятини аниқлайдиган муҳим ва масъулиятли вазифалардан бири – тадқиқот мавзусини танлашдир. Мавзуларга қўйиладиган умумий талаб – уларнинг долзарблиги, ишлаб чиқариш эҳтиёжлари ва муаммолари билан боғлиқлигидир. Улар ҳозирги замон талаблари ва мамлакат иқтисодиётининг ривожланиш тенденциялари истиқболларидан келиб чиқиши зарур.
2. Мавзуга доир библиография ва меъёрий, қонуний хужжатлар, йўриқномалар йиғиш.
3. Курс ишининг режасини тузиш.
4. Курс ишига раҳбарлик қилувчи профессор-ўқитувчи билан ишлаб чиқилган режани келишиш.
5. Курс ишини белгиланган талабларга мос равишда расмийлаштириш.
6. Курс ишини ҳимояга тайёрлаш ва ҳимоя қилиш.

0.