Ўзбекистон республикаси олий ва ўрта махсус таълим вазирлиги низомий номидаги тошкент давлат педагогика университети “ЖАҲон тарихи” кафедраси

Курс ишига қўйиладиган талаблар
Курс ишининг кириш қисмида - Мавзунинг долзарблиги, тадқиқотнинг объекти ва предмети, мақсад ва вазифалари, мавзунинг ўрганилиш даражаси, тадқиқотнинг назарий-методологик асослари, ишнинг тузилиши асослаб берилади.
Мавзунинг ўрганилиши даражасида маҳаллий ва хорижий олимларнинг ушбу мавзу бўйича олиб борган ишларини кўрсатиш керак. Кириш қисмини 2-3 варақ ҳажмда ёзиш тавсия этилади. Кириш қисмидан сўнг, асосий қисм келади. Иллюстрация (сурат, фотосурат, график, чизма, жадвал, диаграмма)ларнинг манбалари аниқ кўрсатилиши ва изоҳ келтирилиши талаб этилади.
Асосий қисмда - ишнинг асосий мавзу ва тадқиқот мақсадидан келиб чиққан ҳолда изчиллик ва илмийлик асосида ёритиб берилилади. У бир нечта банддан иборат бўлиб, мавзунинг асосий моҳияти очиб берилади. Жумладан, ишнинг мазмуни ва моҳияти тадқиқотлар асосида тадқиқ ва таҳлил қилинади.
Бунда мавзу бўйича мавжуд масалалар ўрганилади, мавжуд муаммолар кўрсатилади. Курс ишининг ҳар бир бўлими мос равишда асослар, қарорлар ва хулосалар билан ёритилади.
Курс ишида, илгари бажарилган мустақил ишларнинг натижалари ёки бошқа муаллифларнинг тадқиқотларига илмий изоҳлар келтирилган ҳолда улардан фойдаланиш мумкин.
Биринчи бандда мавзунинг назарий жиҳатлари, мазмуни, моҳияти, аҳамияти ёритилади. Асосий адабиётлардаги (манбалар, тадқиқотлар, ўқув адабиётлари) дарсликлар ва ўқув қўлланмаларида келтирилган назарий фикрларнинг қиёсий таҳлили амалга оширилиши мумкин.
Иккинчи бандда мавзуга оид амалиёт ҳолати таҳлилини амалга ошириш ва таҳлил натижаларига асосланган ҳолда тегишли хулосалар шакллантиришдан иборат. Бунда жадваллар, диаграммалар, расмлар шаклидаги амалиёт маълумотларидан кенг фойдаланиш, уларни батафсил таҳлил этиш талаб этилади. Таҳлил жараёнида даврий нашрларда чоп этилган илмий мақолаларга, ҳукумат идораларининг расмий интернет сайтларида келтирилган маълумотларга асосланиш тавсия этилади.
Учинчи бандда мавзуга оид адабиётларда тадқиқ этилаётган мавзуни такомиллаштириш ва ривожлантириш борасидаги фикрларни умумлаштирган ҳолда уларга нисбатан талабанинг мустақил муносабатини билдириш ва илғор хорижий тажрибаларни баён этиш ва уларни мамлакатимизда қўллаш имкониятлари бўйича таклифлар киритиш талаб этилади. ЯЪни Ўзбекистон Республикасида ўрганилаётган соҳа бўйича мавжуд тенденциялар ўрганилади.