Ўзбекистон республикаси олий ва ўрта махсус таълим вазирлиги низомий номидаги тошкент давлат педагогика университети “ЖАҲон тарихи” кафедраси

Ишнинг хулоса қисмида - Мавзуни ўрганиш давомида талаба томонидан амалга оширилган таҳлил жараёнида шакллантирилган хулосалар акс эттирилади. Мавзуга оид асарларда баён этилган тадқиқ этилаётган мавзуни такомиллаштириш юзасидан таклифлар келтирилиб, шунга асосан талаба ўз фикрини баён этади. Хулоса қисмини 2-3 варақ ҳажмда ёзиш тавсия этилади.
Фойдаланилган адабиётлар манбаи ва адабиётлар рўйхатини келтириш мажбурий шартлардан бир тасниф асосида таркиб топтирилиши керак: Раҳбарий адабиётлар, Ўзбекистон Республикаси Расмий ҳужжатлари (ҳуқуқий - меёрий ҳужжатлар), махсус адабиётлар (монографиялар, ўқув адабиётлари, илмий мақолалар), хорижий адабиётлар, интернет материаллари. Фойдаланилган адабиётлар рўйхатини 2- 3 варақ ҳажмда келтириш тавсия этилади.
Ишнинг илова қисмида - таянч атама ва терминларнинг қисқача изоҳли луғати, глоссарий (30 та сўзгача), маълумотлар, жадваллар, диаграммалар, фото суратлар берилиши мақсадга мувофиқ.


Курс ишини расмийлаштиришга қўйиладиган талаблар
Курс иши таълим стандартлари талаби асосида расмийлаштирилиши керак.
Курс иши матнида “ёздим, бажардим, амалга оширдим” сўзлари ўрнига “ёзилди, бажарилди, амалга оширилди”ни сўзини ёзиш тавсия этилади.
Курс иши компьютернинг WORD дастурида тайёрланиши, Тимес Неw Роман шрифтида 14 ўлчам ва 1,5 интервалда, чап тарафда 3 см, пастда 2 см, тепада 2 см, ўнгда 1 см жой қолдириш тавсия қилинади, 30-40 саҳифагача, электрон вариант РТФ форматда тақдим этилиши лозим. Иқтибослар ҳар бир саҳифа остида Тимес Неw Роман ва 11 ўлчамдаги шрифт катталигида қабул қилинади.
Кафедра тавсиясига биноан курс иши чет (инглиз, немис ёки француз) тилида бажарилиши мумкин. Чет тилида бажарилган ишга давлат тилидаги аннотация илова этилади ва ҳимоя вақтида таржима таъминланади.
Тартиб рақами бетнинг пастки томонининг ўртасига қўйилади. Боб ва бандларнинг номланиши бош ҳарф билан ёзилади.
Асосий қисм ичидаги саволларни сарлавҳаларини ёзишда бўғин кўчиришга рухсат берилмайди. Сарлавҳа охирида нуқта қўйилмайди. Сарлавҳанинг тагига чизиб, ёзишга рухсат этилмайди. Ҳар бир сарлавҳадан олдин араб рақами билан рақамлар қўйилади ва рақамдан сўнг нуқта қўйилади. Агар бандлар ичида бандлар келтирилса, масалан, “1.1.”, “1.2.” шаклида ёзилади.
Курс ишининг ҳар бир қисми янги бетдан бошланади. Кириш, асосий бандлар, хулоса, фойдаланилган адабиётлар рўйхати варақнинг юқори қисмининг ўртасига ёзиш тавсия этилади.