Ўзбекистон республикаси олий ва ўрта махсус таълим вазирлиги низомий номидаги тошкент давлат педагогика

Педагогик маҳорат – 1) ўқитувчининг педагогик жараённи ташкилий, 
методик, руҳий ва субъектив жиҳатдан ўта моҳирлик, усталик билан ташкил 
этиш ва бошқариш қобилияти, кўникма-малакасига эгалиги; 2) таълим-тарбия 
жараёнига онгли, ижодий ёндошув, методик билимларни самарали қўллай 
олиш қобилияти, юксак педагогик тафаккур; 3) педагог томонидан касбий 
фаолиятнинг усталик, моҳирлик билан, санъаткорона ташкил этилишини 
таъминловчи билим, кўникма ва малакалар мажмуи
Педагогик мулоқот – педагогнинг ўқувчилар жамоаси, ота-оналар, 
ҳамкасблар ҳамда раҳбарият билан уюштирадиган суҳбати
Педагогик мулоқот маданияти – педагогнинг ўқувчилар жамоаси, ота-
оналар, ҳамкасблар, раҳбарият билан педагогик одоб ва мулоқот талабларига 
мувофиқ ҳолда уюштириладиган суҳбати

---

138 
Педагогик мулоқотнинг авторитар услуби – педагогик мулоқотда 
ўқитувчининг мутлоқ устунлигини ифодаловчи услуб
Педагогик мулоқотнинг демократик услуби – педагогик мулоқотда 
ўқитувчи ва ўқувчиларнинг ўзаро ҳамкорлигини ифодаловчи услуб
Педагогик мулоқотнинг либерал услуби – педагогик мулоқотда 
ўқитувчининг эътиборсизлигини ифодаловчи услуб
Педагогик мулоқот услублари – ўқитувчилар томонидан педагогик 
жараёнда таълим иштирокчилари билан мулоқотни ташкил этишда 
қўлланиладиган усуллар мажмуи (авторитар услуб, демократик услуб, либерал 
услуб)
Педагогнинг индивидуал ривожланиш дастури – педагогнинг 
индивидуал равишда ўзида у ёки бу касбий-педагогик сифат, БКМ, касбий 
компетентлик сифатларини шакллантириш ва ривожлантириш эҳтиёжларига 
таянган ҳолда ишлаб чиққан шахсий-амалий ҳарактердаги дастури
Педагогик новаторлик – педагогик фаолиятда илғор тамойил ёки ғояни 
асослаш, янги йўл, усул ёки воситаларни тавсия қилиш, уларни амалиётга 
татбиқ этишга қаратилган ижодий ёндашув
Педагогик обрў – педагогнинг ўқувчилар, уларнинг ота-оналари, 
педагогик жамоа, шунингдек, жамият томонидан эътироф этилган ахлоқий 
мақоми
Педагогик одоб – ўқитувчи олдига унинг ўзига, касбига, жамиятга, 
болаларга ва ўқув-тарбия жараёнининг бошқа иштирокчиларига муносабатда 
бўлишига нисбатан қўйиладиган ахлоқий талаблар тизими