Ўзбекистон республикаси олий ва ўрта махсус таълим вазирлиги наманган муҳандислик – технология институти

6.Талаба мустақил ишини назорат қилиш ва баҳолаш
Ҳар бир фан бўйича талабанинг мустақил ишига ажратилган юклама (ишчи ўқув режасини 12-устунида келтирилган) профессор-ўқитувчилар шахсий иш режасини ташкилий-услубий бўлимида қайд этилади.
Талабанинг курс иши (лойиҳаси)ни ҳамда малакавий битирув иши ва магистрлик диссертациясини тайёрлашга раҳбарлик қилиш учун ажратилган соатлар профессор-ўқитувчи шахсий иш режасини ўқув ишлари бўлимидан қайд этилади.
Талабалар мустақил ишига раҳбарлик қилиш кафедрада факультет декани билан келишилган ҳолда тузилган ва институт ректори томонидан тасдиқланадиган 2- мустақил ишлар (дарс) жадвали асосида амалга оширилади.
Талабаларнинг мустақил иши бўйича консультация соатлари ва талабаларнинг қатнашуви гуруҳ журналида қайд этиб борилади.
Талабалар мустақил ишини олиб бориш гуруҳда ўқув машғулотларини олиб борувчи профессор-ўқитувчи томонидан амалга оширилади.
Талабаларнинг мустақил иши фаннинг ишчи ўқув дастурида мустақил ишга ажратилган соатларга мос рейтинг баллари билан баҳоланади фан бўйича талабанинг умумий рейтингига киритилади.
Талабанинг рейтинг кўрсаткичлари (шу жумладан мустақил иш бўйича), гуруҳ рейтинг ойнасида ва (ёки) факультетнинг махсус электрон тармоғида ёритиб борилади.
Талаба мустақил ишини назорат қилиш турлари ва уни баҳолаш мезонлари кафедра томонидан ишлаб чиқарилади ва факультет илмий кенгашида тасдиқланади. Мустақил ишларини баҳолаш мезонлари талабаларга ўқув йили (семестр) бошланиши олдидан услубий материаллар билан биргаликда тарқатилади ва кафедранинг эълонлар доскасида ўз аксини топади.
Мустақил иш бўйича белгиланган максимал рейтинг балининг 55 %дан кам балл тўплаган талаба фан бўйича якуний назоратга қўйилмайди.
Фанлардан талабаларнинг мустақил ишлари бўйича ўзлаштириши мунтазам равишда талабалар гуруҳларида, кафедра йиғилишлари ва факультет илмий кенгашларида муҳокама эътиб борилади.
Талабанинг мустақил иши (курс иши, курс лойиҳаси, рефератлар, битирув малака иши) кафедра архивида рўйҳатга олинади ва ўқув йили мобайнида сақланади.
Талабанинг курс иши (лойиҳаси)ни ҳамда малакавий битирув иши ёки магистрлик диссертациясини рўйхатга олиш ва сақлаш.
Институтда юқори даражада баҳоланган талабаларнинг таркиби тегишли меъёрий ҳужжатлар асосида амалга оширилади мустақил ишлари маънавий ва моддий рағбатлантирилади.