Ўзбекистон республикаси олий ва ўрта махсус таълим вазирлиги наманган муҳандислик-технология институти «сичтеи» кафедраси

Дивиденд – актсионерлик жамияти соф фойдасидан актсия эгаларига тўланадиган қисми бўлиб, у актсионерларга нақд пул ёки актсиялар билан тўланадиЖамғариш – ихтиёрдаги даромадни бир қисми бўлиб, у охирги истеъмол мақсадлари учун сарфланмайди, балки жамғариш учун сарфланади. Кенгайтирилган такрор ишлаб чиқаришни амалга ошириш мақсадида асосий фондлар, айланма маблағлар ва молиявий активлар ҳажми орттирилади.
МҲТ таърифига асосан жамғариш – бу барча молиявий (мавжуд пул маблағлари, депозитлар, қимматли қоғозлар, заёмлар, кредитлар ва ҳ.к.) активларни ва материал активларни ўсишини англатади.
Институтсион бирликлар – активларга эгалик қилиш, мажбуриятлар олиш, иқтисодий фаолият юритиш ва бошқа бирликлар билан оператсиялар ўтказиш ҳуқуқига эга бўлган хўжалик юритувчи субъектлар.
Истеъмол­ – ижтимоий ишлаб чиқариш жараёнининг охирги фазаси, ижтимоий маҳсулотдан аҳолини иқтисодий талабларини қондириш жараёни.
Истеъмол баҳолари индекси – истеъмол саватига киритилган товар ва хизматлар баҳосининг у ёки бу даврдаги ўртача ўзгаришини ифодаловчи индекс. У одатда Лейпейрес формуласи бўйича аниқланади.
Иш кучига сарфланган ҳаражатлар – иш берувчилар томонидан иш кучини ёллаш ва уни асраш билан боғлиқ бўлган ҳаражатлар йиғиндиси.
Ишсизлик даражаси – ишсизлик сонининг иқтисодий фаол аҳоли сонига нисбати. 16 ва ундан юқори ёшдагилар, лекин ишга эга бўлмаганлар, фаол иш қидираётганлар, ишни бошлашга тайёр турганлар ишсизлар деб аталади.
Иш ҳақи – жорий даврда иш берувчи томонидан ёлланган ходимга бажарган ишлари учун берилган пул ёки натура усулидаги тўловлар бўлиб, улар ҳисобланган суммалар йиғиндисидан ташкил топади ва икки қисмга бўлинади: иш ҳаққи ва ижтимоий суғуртага ажратмалар.
Ишлаб чиқариш – маълум даврда алоҳида хўжалик юритувчи субъектлар тармоқлар ва иқтисодий секторлар томонидан ишлаб чиқарилган мол ва хизматлар қиймати.
Иккиламчи дефлятор усули – қўшилган қиймати ўзгармас баҳоларда қайта бахолаш усули бўлиб, унинг учун аввал ишлаб чиқариш ва оралиқ истеъмол дефляторланади, сўнгра биринчисидан иккинчиси айрилади.