Ўзбекистон республикаси олий ва ўрта махсус таълим вазирлиги касб-ҳунар таълими маркази

1-расм. Ари уясида қопқоқ ости қисмини ташкил қилиш. 

---

34 
Ҳозирги тайёрланаётган ари уяларининг қопқоқ қисмининг остидаги 
қисми (баландлиги 15 см) ариларни кўчириш вақтида уларни тўпланиб 
ўтиришлари учун зарур жой ҳисобланади. Бундай уяларда ариларни 
кўчираётган пайтда матодан тайёрланган ёпқич ва иситгич ёстиқча олиб 
қўйилади. Агарда арихонада қопқоқ остидаги қисми йўқ уяларда ари 
боқилаётган бўлса, у ҳолда асосий оила боқиладиган қисм устига (435 х 145 
мм) магазин қурилмаси қўйилади, шунда арилар кўчириш вақтида 
қийналмайди. 
Ариларни кўчириш вақтида уялардаги ҳаво алмашиш тешикчалари катта 
аҳамиятга эга, чунки безовталанган арилар кўп миқдорда кислород истеъмол 
қилади. Шунинг учун асаларичилар ариларни кўчириш вақтида уянинг тепа 
тарафини бутунлай қоплайдиган сим тўрдан фойдаланадилар. 
5-Мавзу. Иссиқхонада ўсадиган ўсимликларни асаларилар ёрдамида 
чанглантириш 
Иссиқхоналарда асалари оилаларини қўйишда, уларга жой танлашда, 
иссиқ об-ҳавода асаларининг иссиқхонадан учиб чиқишини ташкил этиш. 
Асалариларнинг буғланиб ўлишининг олдини олиш. Асалариларини памидор, 
бодрингларни чанглатишга ўргатиш ва ариларнинг жадал шарбат тўплашига 
шароит яратиш. 
Ари оилалари янги келтирилган жойда кам безовталансин учун 
қуйидагиларга риоя қилиш керак: 
1) ари оилалари кўчирилаётган пайтда уяларни иложи борича камроқ 
тақиллатиш, туртиш, силкитиш ва техника хавфсизлиги қоидаларига риоя 
қилиш; 
2) уяларнинг ичига нур тушмасликка харакат қилиб, кўчириш вақтида 
қуёшда қолдирмаслик зарур; 

---

35 
3) янги жойда ари уяларини иложи борича сабзавотлар орасига 
жойлаштириш керак; 
4) ари уяларини шарбат ажратувчи ўсимликларга қаратиб, узунасига,
кўндалангига жойлаштирилса, олдинги қатордаги ари оилалари кучайиб, 
орқа қатордагилари кучсизланиб кетмайдилар.