Ўзбекистон республикаси олий ва ўрта махсус таълим вазирлиги жиззах давлат педагогика университети

4.3. Талаба зиммасидаги мажбуриятлар:
Жўнатувчи муассаса томонидан тақдим этилган ҳужжатларни белгиланган тартибда ва муддатда Қабул қилувчи муассасага тақдим этиш;
Қабул қилувчи муассаса ички тартиб-қоидалари ва одоб-ахлоқ қоидаларига қатъий риоя қилиш;
академик мобиллик дастури давомида Жўнатувчи муассаса маъсул ходимлари билан мунтазам алоқада бўлиш;
академик мобиллик дастури давомида Жўнатувчи муассаса олдидаги мажбуриятларини ўз вақтида бажариб бориш;
Қабул қилувчи муассасада академик мобиллик дастурига киритилган таълим элементлари ҳамда мазкур Келишувда кўрсатилган хизматлардан бошқа дастурлар ва хизматлардан фойдаланилган ҳолда, белгиланган тўловларни Қабул қилувчи муассасага қоплаш;
қонунчиликда белгиланган бошқа мажбуриятлар.


V. ТОМОНЛАРНИНГ ҲУҚУҚЛАРИ
Келишувни имзолаган томонлар бир-бирлари олдидаги мажбуриятлар доирасида келиб чиқадиган ҳуқуқларга эгадирлар.
Томонлар мазкур Келишувда ва қонунчиликда тақиқланмаган бошқа ҳуқуқларга ҳам эгадирлар.


VI. ЯКУНИЙ ҚОИДАЛАР
Томонларнинг қўшимча келишуви асосида академик мобиллик дастури муддатини узайтирилган тақдирда, мазкур Келишувга тегишли ўзгартиришлар киритилади. Бунда томонларнинг бири камида 1 (ой) олдин Келишувнинг бошқа тарафларини ёзма равишда огоҳлантириши шарт.
Мазкур Келишувда белгиланган масалалар бўйича келиб чиқадиган низолар томонларнинг ўзаро муҳокамаси асосида ҳал қилинади.
Таълим жараёнига оид, лекин мазкур Келишувда назарда тутилмаган муносабатлар Ўзбекистон Республикасининг амалдаги қонун ҳужжатларига мувофиқ тартибга солинади.
Мазкур Келишувда белгиланган қоидалар Ўзбекистон Республикаси қонунлари, Ўзбекистон Республикаси Президенти фармон ва қарорлари, Ўзбекистон Республикаси Вазирлар Маҳкамасининг, шунингдек таълим соҳасидаги ваколатли давлат бошқаруви органлари томонидан қабул қилинган қоида ва меъёрларга зид келса, юқори турувчи органларда белгиланган қоида ва меъёрлар амал қилади.