Ўзбекистон республикаси олий ва ўрта махсус таълим вазирлиги жиззах давлат педагогика университети

ЎЗБЕКИСТОН РЕСПУБЛИКАСИ
ОЛИЙ ВА ЎРТА МАХСУС ТАЪЛИМ ВАЗИРЛИГИ


ЖИЗЗАХ ДАВЛАТ ПЕДАГОГИКА УНИВЕРСИТЕТИ
УРГАНЧ ДАВЛАТ УНИВЕРСИТЕТИ
АКАДЕМИК МОБИЛЛИКНИ ТАШКИЛ ЭТИШ ВА КРЕДИТЛАРНИ
ТАН ОЛИШ ТАРТИБЛАРИ БЎЙИЧА (ТАЪЛИМ ТЎҒРИСИДА)
КЕЛИШУВ

Академик мобилликни ташкил этиш ва кредитларни тан олиш тартиблари бўйича (таълим тўғрисида) келишув (кейинги ўринларда - Келишув) Жиззах давлат педагогика университети (кейинги ўринларда – Жўнатувчи муассаса) номидан ректор Ш.С.Шарипов, Урганч давлат университети (кейинги ўринларда – Қабул қилувчи муассаса) номидан ректор Б.И.Абдуллаев ҳамда академик мобиллик дастурига киритилган Жўнатувчи муассасанинг кундузги таълим шакли, 60116700-Ўзга тилли гуруҳларда рус тили таълим йўналиши, 2-курсида таҳсил олувчи талаба – Қўчқорова Севинчой Умидбек қизи (кейинги ўринларда – Талаба) ўртасида тузилди.

I. КЕЛИШУВНИНГ МАҚСАДИ
Келишувнинг мақсади Ўзбекистон Республикаси Президентининг 2019 йил 8 октябрдаги ПФ-5847-сон Фармони билан тасдиқланган “Ўзбекистон Республикаси олий таълим тизимини 2030 йилгача ривожлантириш концепцияси” ҳамда Ўзбекистон Республикаси Вазирлар Маҳкамасининг 2020 йил 31 декабрдаги “Олий таълим муассасаларида таълим жараёнини ташкил этиш билан боғлиқ тизимни такомиллаштириш чора-тадбирлари тўғрисида”ги 824-сон Қарорида белгиланган вазифалар ижросини таъминлаш ҳамда академик мобилликни ташкил этиш ва кредитларни тан олиш тартибларини белгилашдан иборат.


II. КЕЛИШУВ ПРЕДМЕТИ
Келишув предметини академик мобилликни ташкил этиш, унинг иштирокчилари томонидан академик мобиллик даврида белгиланган таълим элементлари (назарий таълим машғулотлари, курс иш, малакавий амалиёт, мустақил таълим, аттестациялар ва бошқ.)ни ўзлаштириш шартлари ҳамда натижалар бўйича кредитларни тан олиш тартиблари ташкил этади.