Ўзбекистон республикаси олий ва ўрта махсус таълим вазирлиги жиззах давлат педагогика институти

 
 
7-Амалий машғулот Волейбол тўпни ўйинга киритиш усуллари ва 
техникасини такомилаштириш 
 
Тўп киритиш 
 
Бу техник усул орқали тўп ўйинга киритилади. Бу усулнинг асосий 
мақсади тўпни рақиб жамоасига иложи борича қийин қилиб беришдир. Шунинг 
учун бу усул ҳужум техникасининг воситаси бўлиб ҳисобланади. Тўпни киритиш 
дастлабки ҳолатдан ва учта кетма-кет фазалар: тайѐргарлик (тўпни ташлаш, қўлни 
силкиш), асосий (зарба бериш) ва якунловчи (қўлни тушириш ва кейинги ҳаракат) 
фазалардан иборат. 
Волейболда пастдан тўғри, юқоридан тўғри, ѐндан юқоридан ва сакраб 
тўғри тўп киритиш усуллари мавжуд. 
Бу усулларни бажаришда тўпга зарба бериш турли тарздаги кетма-
кетликда бажарилади. Биринчи навбатда тўпга айланма ҳаракат бериш, сўнгра 
айланма ҳаракат бермасдан тўп киритиш (бир мунча мураккаб бўлганлиги 
сабабли) усуллари ўргатилади ѐки такрорланади. 
Пастдан тўғри тўп киритиш
. Ўйинчи олдинга энгашиб, оѐқларини тизза 
қисмида буккан, бир оѐғини (зарба берувчи қўлга нисбатан қарама-қарши) 
олдинга чиқарган ҳолатда туради. 

---

124 
Тўп тирсак қисмида бир оз букилган қўл бел баробарида ушлаб турилади. 
Тўп гавдага нисбатан 20-30 см оралиқда ташланади. Зарба беришда қўл кескин 
равишда орқага ҳаракатлантирилади. Зарба пастдан юқорига-тўғрига бажарилади. 
Ўйинчи бир вақтнинг ўзида орқа оѐқни тўғрилайди ва гавданинг оғирлигини 
олдинги оѐққа ўтказади. Зарбадан сўнг қўл ҳаракати тўпни ―кузатиб‖ бориш билан 
тугалланади. Пастдан тўғри тўп киритиш аниқлиги асосий учта омил билан 
аниқланади: қўлни силкиш (замах) йўналиши билан – у кескин орқага 
ҳарактланиши керак; тўп ташлаш баландлиги билан – у баланд бўлмаслиги керак; 
тўпга зарба бериш – у тахминан бел баробарида амалга оширилиши зарур.