Ўзбекистон республикаси олий ва ўрта махсус таълим вазирлиги жаркургон туман бизнес ва енгил саноат техникуми

Дастурнинг информацион – методик таъминоти
Чет тили фанини ўқитиш жараёнида таълимнинг замонавий интерфаол усулларидан, педагогик ва ахборот-коммуникация технологияларидан кенг фойдаланилади. Амалий машғулотларда ақлий ҳужум, кластер, блиц-сўров, кичик гуруҳларда ишлаш, инсерт, презентация, кейс стади каби усулларнинг мавзуга мос танланиши ва қўлланилиши дарс самарасини оширишга катта ҳисса қўшади.

Кириш
Жамиятимиз ривожланишининг янги босқичи мамлакатимиздаги халқ таьлимининг ҳамма тизим ва ҳар бир бўлимини тубдан ўзгартиришни, таьлимнинг бутун таркибий қисмлари ва ҳар бир ўқув фанини алоҳида ўқитишнинг янги ёндошувларини ишлаб чиқишни талаб этади.
Бундан келиб чиққан ҳолда чет тилларни ўқитишнинг асосига янги ўқитиш стратегиясини пойдевор қилиб, бунинг натижасида ўқув жараёнини ташкил қилишда янги тамойилларни қўллаш ва ўқитувчини ўз устида ишлаб малакасини оширишга туртки бериш назарда тутилади.
Ўқув дастур нофилологик бакалавр йўналиши учун намунавий дастур асосида тузилган.
Дастур - таьлимнинг мақсад ва вазифалари, бакалавриат босқичида талабалар ўрганиши керак бўлган тилнинг фонетика, ёзув, ўқиш, лексика ва грамматикаси бўйича билим ва малакалари даражаларни ўз ичига олди.
Фан ўқитилишининг мақсад ва вазифалари
Нофилологик бакалавр йўналиши учун чет тиллар дастурида таькидланишича, бозор иқтисодиётига ўтиш даврида мутахассисларни тайёрлашнинг асосий компонентларидан бири - бу чет тилларни билишга ўргатишдир. Ўқитишдан амалий мақсад талабаларни чет тилида мулоқот қилишга тайёрлашдир. Ушбу амалий мақсадга эришиш жараёнида таьлимий ва тарбиявий мақсадлар амалга оширилади. Тарбиявий вазифалар чет тилини ўқитишни яхшилашга замин яратади, яьни чет тилини ўқитиш талабаларнинг умумтаьлимий даражасини оширишга, унинг дунёқарашини кенгайтириш, Ватанга садоқатни, миллий ифтихор ҳиссини тарбиялашга хизмат қилиши лозим.
Хорижий тилни ўрганишнинг умумтаьлимий аҳамияти қуйидагилар:
а) 2 тил системасини, яъни она тили ва чет тилини таққослаш талабанинг филологик дунёқарашини кенгайтиради, ўз нутқига эьтиборлироқ муносабатда бўлишга имкон берди; б) чет тилини ўрганиш талабанинг фикрлаш ва англаш фаоллигини оширади; в) олинадиган маьлумот илмий, ижтимоий-сиёсий ва мамлакатшуносликка оид турли ҳил фактларни ўз ичига олади.

“Хорижий тиллар” фани мазмунига қўйиладиган билим, кўникма