Ўзбекистон республикаси олий ва ўрта махсус таълим вазирлиги ислом каримов номидаги тошкент давлат техника университети «Электроника ва автоматика»

1 бўлим қуйидаги моддалардан иборат:
1-модда. Асосий тушунчалар.
2-модда. Метрология тўғрисидаги қонун ҳужжатлари.
Метрология тўғрисидаги қонун ҳужжатлари ушбу Қонундан ва Ўзбекистон Республикасининг ўзга конун ҳужжатларидан иборатдир.
3-модда. Халқаро шартномалар ва битимлар.
Халқаро шартномада ёки битимда Ўзбекистон Республикасининг метрология тўғрисидаги қонун ҳужжатларидагидан ўзгача қоидалар белгиланган бўлса, халқаро шартнома ёки битим қоидалари қўлланади.
4-модда. Метрологияга оид фаолиятни давлат томонидан бошқариш.
Метрологияга оид фаолиятни давлат томонидан бошқаришни метрология бўйича миллий орган - Ўзбекистон стандартлаштириш, метрология ва сертификатлаштириш агентлиги («Ўзстандарт»агентлиги) амалга оширади. (ЎзР 25.04.2003 й. 482-II-сон Қонуни таҳриридаги қисм).
4-1-модда. Ўлчашларнинг ягоналигини таъминлашга оид норматив ҳужжатлар.Ўзбекистон Республикасининг корхоналари, ташкилотлари, давлат бошқарув органлари, юридик шахслар бирлашмалари метрология сохасидаги давлат метрология текшируви ва назорати тадбиқ этиладиган доирадан ташқаридаги нормалар ва қоидаларни белгилайдиган, ўлчовларнинг ягона бирликда бўлишини таъминлашга оид, “Ўзстандарт” агентлиги томонидан тасдиқланган норматив хужжатларни аниқлаштирадиган ва уларга зид бўлмаган норматив хужжатларни ўз ваколатлари доирасида ишлаб чиқишлари мумкин.(ЎзР 25.04.2003 й 482-2-сон Қонуни тахриридаги модда).
2 бўлим қуйидаги моддалардан иборат:
5-модда. Физик катталикларни ўлчов бирликлари.
Ўзбекистон Республикасида Халқаро ўлчамлар тизими (SI)нинг физик ўлчам бирликларини белгиланган тартибда қўллашга йўл қўйилади.Физик ўлчам бирликларининг номи, белгиси, уларни ёзиш ва қўллаш қоидалари “Ўзстандарт”нинг тақдимномасига биноан Ўзбекистон Республикаси Вазирлар Махкамаси томонидан тасдиқланади.( ЎзР 25.04.2003 й 482-2-сон Қонуни асосида ўзгартириш киритилган)
6-модда. Физик катталиклар бирликларининг эталонлари.
Эталонларни яратиш, тасдиқлаш, сақлаш ва қўллаш тартибини “Ўзстандарт” белгилайди (ЎзР 25.04.2003 й.482-2-сон Қонуни асосида ўзгартириш киритилган)
7-модда. Ўлчаш воситалари.
Фойдаланишда бўлган ўлчаш воситалари ўлчов натижаларининг қонунлаштирилган бирликларда белгилаб қўйилган аниқликда бўлишини таъминлаши ва қўллаш шартларига мос келиши лозим.
Техника воситаларини ўлчаш воситаларига мансуб деб топиш мезонини “Ўзстандарт” белгилайди.(ЎзР 25.04.2003 й. 482-2-сон Қонуни асосида ўзгартириш киритилган)
8-модда. Ўлчашларни бажариш услубиятлари.
Ўлчовларни бажариш услубиётлари ўлчов натижаларининг хатоликларини баҳолашни ўз ичига олиши ва ўлчов ўтказишнинг мавжуд шароитларида белгилаб қўйилган аниқликни таъминлаши лозим. Ўлчовлар белгиланган тартибда аттестация қилинган ўлчовларнинг бажарилиш услубиётларига мувофиқ ҳолда амалга оширилиши лозим. (ЎзР 26.05.2000 й. 82-II-сон Қонуни таҳриридаги қисм).