Ўзбекистон республикаси олий ва ўрта махсус таълим вазирлиги ислом Каримов номидаги

Адабиётлар

1. 
   Технология обогащения полезных ископаемых средней Азии. Выпуск 2. Ташкент 1979. С.96-101. А.Б.Живаева, А.П.Гринберг. Развитие тионовых бактерий на сульфидных рудах и концентратах.
   
2. 
   Каравайко Г.И., Кузнецова С.И., Голомзик А.И. «Роль микроорганизмов в выщелачивании металлов из руд». М.: Наука, 1972 г.
   
3. 
   Полькин С.И., Адамов Э.В., Панин В.В. «Технология бактериального выщелачивания цветных и редких металлов». М.: «Недра» 1982 г. 288 с.
   
4. 
   Адамов Э.В., Панин В.В. Бактериальное и химическое выщелачивание металлов из руд. Итоги науки и техники. Обогащение полезных ископаемых. – М.: ВИНИТИ, 1974. – Т.8. – М.: Мир, 1980.
   
5. 
   Биотехнология металлов. Практическое руководство. М., ГКНТ, 1989 с., 375 с.
   

Мавзу №6.
Бактериал оксидлаш ва танлаб эритишнинг назарий асослари


Режа: 1. Сульфидли минералларни кимёвий ва бактериал оксидлаш ва танлаб эритиш.
2. Ноорганик субстратлар (Fe, S ва сульфидли минераллар) оксидланишида тионли темироксидловчи бактериялар иштироки
3. Fe, S ва сульфидли минералларни оксидлашда микроорганизмларнинг роли

Рудали конлар, айниқса сульфидли рудалар конлари, ўзига хос микроорганизмлар фаол хаёт фаолияти учун мақбул экологик жойдир, чунки уларда доимо турли кимёвий хоссаларга эга элементлар иштирок этувчи геокимёвий жараёнлар кечади. Ушбу конларнинг рудали жинсларида оксидланиш шароитлари сульфидли минералларни оксидлаш ва танлаб эритиш жараёнларининг кечишига ёрдам беради, уларда металлар ва олтингугурт сувда эриш ҳолатига ўтади ва танлаб эритилади. Олдинлари сульфидли минералларнинг оксидланишига кимёвий жараён сифатида қаралар эди, унда ҳаво қислороди ва сульфидларнинг оксидланиш маҳсулотлари– сульфат кислотаси ва металлар сульфидлари асосий агентлардир. Маълумки, темир зангининг сульфати сульфидларни яхши оксидловчидир, у улар билан қуйидаги реакция бўйича таъсирлашади

Me_mS_n + mFe₂(SO₄)₃ = mMeSO₄ + 2mFeSO₄ + nS. (11)
Ушбу реакция натижасида олинган темир занги сульфати нордон эритмаларда темир оксиди сульфатигача жуда секин оксидланади. Аммо Асidithiobacillus ferrooxidans темир оксидловчи тион бактериялари иштирокида темирнинг оксидланиш тезлиги 180 минг марта тезлашади. Рудали конларда бу микроорганизмлардан ташқари бошқа, рН нинг кенг диапазонида (0,5 дан 10 гача) яшовчи ва деярли барча сульфид таркибли конларни экологик жойларини эгаллайди.
Юқорида кўрсатилганидек, тион микроорганизмлари хемолитоавтотроф бўлиб, яъни бу микроорганизмлар иштирокида энергетик жараёнда электронлар манбаи ноорганик моддалардир, органик моддаларга углеродкислотанинг автотроф ассимиляция системаси эса бактериялар озуқасининг асосий туридир.
Темироксидловчи бактериялар учун энг осон оксидланувчи субстрат темир занги бўлиб, нордон муҳитда уларнинг иштирокида оксидгача оксидланади:
4Fe²⁺ + 4H⁺ + O₂ 4Fe³⁺ + 2H₂O + 11ккал. (12)
Темир зангидан ташқари A.ferrooxidans энергетик манба сифатида олтингугурт ва тиосульфатлар S₂O₃^2- , тритионатлар S₂O₆^2-, тетратионатлар ва элементар олтингугурт каби тикланган олтингугурт бирикмалари қўлланалади, улар оксидланишининг сўнгги маҳсулоти сульфат - иондир. Кўп сонли изланишлар натижасида A.ferrooxidans бактериялари деярли барча сульфидли минераллар оксидланишида иштирок этиши аниқланди.
A.ferrooxidans бактерияларининг мавжудлиги ва фаол хаёт фаолиятининг асосий шартлари муҳитнинг кислоталилиги, унинг ҳарорати, сув ва ҳавонинг борлигидир. Бактериялар ривожланиши учун муҳит рН нинг оптимал кўрсаткичи 2,0-2,4 бўлиб, табиий кон сувларида бу микроорганизмлар ҳатто рН 1,2 ва 7,6 бўлганда ҳам топилмоқда, аммо бу шароитда улар фаол эмас. рН9 муҳитида улар нобуд бўлади. Бу бактериялар нордон муҳитга анча чидамлидир. Улар сульфат кислотасининг эритмадаги миқдори 10 г/л бўлса ҳам чидайди ва унинг кнцентрацияси 22 г/л бўлгач яъни рН 0,3 бўлганда нобуд бўлади, бунда хужайра ичидаги рН 4,8-5,0 даражасида ушлаб турилади.
A.ferrooxidans бактериялари мезофилларга тегишли бўлиб, улар учун ўсиш ва ривожланишнинг оптимал ҳарорати 28 - 35 ⁰С, ҳарорат 40 ⁰С бўлса, уларнинг ўсиши тўхтайди, 50⁰С да эса улар оқсиллар денатурацияси сабабли нобуд бўлади.
Бактериялар нормал ўсиши ва ривожланиши учун муҳитда бактериялар энергетик метаболизимида ишлатилувчи минерал тузлар, биринчи навбатда азот ва фосфор бирикмалари мавжуд бўлиши талаб қилинади. Юқорида таъкидлаб ўтилганидек, A.ferrooxidans бактериялари сульфид конлари, кўмир конлари ва пирит таркибли уран рудалари конлари барча нордон сувларида бор. A.ferrooxidans табиий штаммлари орасидаги фарқ асосан нордон муҳитнинг фаоллиги, оғир металлар, турли микроэлементлар, шунингдек, турли сульфидлар ва олтингугурт оксидланиш тезликларига чидамлилигига асосланган. Бунда барча фарқлар адаптация характерига эга. Дегтярск кони нордон сувларидан ажратиб олинган микроорганизмлар кейинчалик арсенопирит, сфалерит, халькопирит ва бошқа сульфидли минераллар мос адаптациядан кейин қўлланилган. Ўзгарувчан яшаш муҳити шароитларига темир оксидловчи бактерияларнинг мослашувчанлик хусусияти бактериал танлаб эритиш технологияси учун катта аҳамиятга эга, чунки микроорганизмлар жуда осон адаптацияланиши мумкин, масалан, муҳитда оғир металларнинг юқори таркибига мослашади. Муҳит таркибида 55 г/л гача мис, 30-40 г/л рух, 8-12 г/л маргимуш бўлганда бактерияларнинг мослашиш имконияти кўрсатилган. Бактерияларнинг бундай камдан-кам учрайдиган хоссаси уни саноат миқиёсида, масалан зич пульпаларни чанда бактериал танлаб эритишда қўллаш имкониятини беради.
A.ferrooxidans микроорганизмлари бўлган анаэроб бактериялар учун муҳитда кислород қатнашиши шартдир. Унинг катта қисми ферментли нафас олиш тизими иштирокида хужайра томонидан ютилади. Қолган қисми фақат химиявий жараёнда иштирок этиб, унда хужайранинг химиявий моддалари, масалан S –гуруҳи оқсиллари оксидланишини амалга оширади.
A.ferrooxidans бактерияларида электронлар ташқи энергетик субстрат (Fe²⁺, сульфид) дан ўтказувчи занжир бўйича молекуляр кислородга ўтказилади ва сув ҳосил қилади:
4Fe²⁺ + O₂ 4Fe³⁺ + 2O₂^2- (13)
2O₂^2- + 4H⁺  2H₂O. (14)
Электронлар ташилишидан ташқари бу жараёнда озод бўлувчи энергия АДФ ва ноорганик фосфордан АТФ синтезида фосфат бирикмаларнинг кимёвий энергияси шаклига ўтиши йўли билан ишлатилади.
Шундай қилиб, тион темир оксидловчи бактерияларнинг икки валентли темир, элементар олтингугурт ва сульфидли минераллар каби ноорганик субстратлар оксидланишида иштирок этиши каби ноёб хоссалари уларни сульфид таркибли рудалардан металларни ажратиб олишда ишлатиш имконини беради. Уларнинг ўсишини жадаллаштириш ва фаоллигини ошириш учун хаёт фаолияти учун, жараён параметрлари ва танлаб эритилувчи маҳсулот хоссалари билан аниқланувчи оптимал шароитлар яратиш зарур.
Сульфидли минераллар билан бактериялар ўзаро таъсири тўғрисидаги савол бактериал танлаб эритиш назариясида асосийдир. Бу ўзаро таъсирни ўрганиш нафақат жараённинг мураккаб механизмини билишда балки бактериал оксидлаш реакцияларини жадаллаштириш ва уларни бошқаришда ҳам муҳим аҳамиятга эга. Бу механизмни ўрганишнинг қийинлиги учта (суюқ, қаттиқ ва газли) фазанинг ўзаро таъсиридан ташқари унда бактериал хужайралар – тирик организмлар фаол иштирок этиб, улар ўсиши ва ўзининг хаёт фаолиятини таъминлаши учун барча учта фазанинг компоненлардан фойдаланади. Бундан ташқари, таъсирлашишда биокимёвий даражада таъсир қилувчи ноорганик ва органик бактериялар метаболизмининг турли маҳсулотлари иштирок этади.
Ҳозирги вақтда сульфидли минералларни ксидлаш ва танлаб эритишда A.ferrooxidans микроорганизмлар роли ҳақида бир нечта нуқтаи назар мавжуд. Олдин микроорганизмлар иштирокида сульфидли минералларни танлаб эритиш ва оксидлаш темир занги сульфатининг бактериялар ва сульфат кислотаси таъсири натижасида, сульфидли олтингугурт бактериал оксидланиши маҳсулотлари таъсири натижасида рўй беради деб ҳисобланар эди. Масалан, пиритни бактериал оксидлашда энг содир бўлиши мумкин бўлган реакциялар темир занги сульфати ҳосил бўлиши реакциялари ҳисобланади
FeS₂ + 7Fe₂(SO₄)₃ + 8H₂O  15FeSO₄ + 8H₂O (15)
ва элементар олтингугурт
FeS₂ +  3FeSO₄ + 2S⁰, (16)
Улар кейин бактериялар билан темир оксиди сульфатигача ва сульфат кислотасигача оксидланади:
4FeSO₄ + O₂ + 2H₂SO₄ ^. Fe₂(SO₄)₃ (17)
2S⁰ + 3O₂ + 2H₂O 2H₂SO₄. (18)
Шундай қилиб, темир занги сульфати оксидланиши ва элементар олтингугурт реакциялари натижасида сульфидли минералларни оксидловчилар – темир оксиди сульфати ва сульфат кислота ҳосил бўлади. Бу реакциялардан ташқари сульфидли минералларни оксидлаш ва танлаб эритишда минераллар юзасига хужайраларнинг фермент тизими таъсир қилади. Бу сульфидларни тўғри бактериал оксидлашнинг механизми ёки “тўғри” механизм деб айтилади.
Бактериялар сульфидли минералларни темир оксидловчи системалар сўнган ҳолатларда ҳам оксидлайди. Минераллар бу ҳолатда микроорганизмларнинг минераллар кристаллик панжараси элементларига тўғри таъсири йўли билан оксидланади. Сульфидли минералларни оксидлашда бу механизми аниқловчи ҳисобланади, темир зангини, сульфидли ва элементар олтингугуртни оксидлаш биокимёвий реакциялари эса билвосита ролни бажаради.
Аммо бу механизмларнинг сульфидли минераллар оксидланишида иштироки улушини аниқлаш анча қийин. Микроорганизмлар иштирокида ноорганик субстратлар ўзгариши реакциялари ҳам худди шу табиатга эгалигини инобатга олиш керак, улар минералнинг бевосита юзасининг ўзида ёки пульпанинг суюқ фазасида амалга оширилади.
Шунинг учун минерал субстратни бактериал оксидлаш ва танлаб эритиш жараёнини қуйидагиларга шартли бўлиш мумкин:

• 
  хужайралар ва уларнинг метаболитларини кристаллик панжара элементларида минерал юзасини бевосита ўзида ўзаро таъсрлашиши,
  
• 
  хужайраларнинг худди шу элементлар ва метаболизм маҳсулотлари билан суюқ фазада ўзаро таъсирлашиши.
  

А.ferrooxodans бактерияларининг сульфидли субстрат билан ўзаро таъсирининг биринчи босқичи микроорганизмларнинг унинг юзасида мустаҳкамланиб олишидир, ундан кейин субстратнинг ўзини кимёвий ўзгартириш бошланади. Маълумки, микроорганизмлар ҳар қандай юзада мустаҳкамланиши мумкин. Уларнинг адгезияси танловчан ва танламасдан, мусбат ва манфий зарядланган, гидрофоб ва гидрофил юзаларда рўй бериши мумкин. Уларнинг мустаҳкамланиш механизми генларда программалаштирилган ва фавқулотда мураккабдир. Бу механизм учун жавобгарлар плазмидлар деб ҳисобланади. Хужайралар адгезиясида турли хил таъсирлашишлар ўрин тутиши мумкин, шилимшиқ капсуланинг оддий ёпишқоқлиги ҳисобига мустаҳқамланишдан бошлаб электростатик кучларга таъсирлашишигача боради.
Аммо сульфидли минераллар юзасида бактерияларнинг борлиги, кўз билан қараганда, уларнинг бу юзани батериал оксидлашда иштирокининг исботи бўлиб қолмайди, ахир улар ўзлари субстрат сифатида ишлатмайдиган юзаларда мустаҳкамланади. Сульфидлар юзасидаги адгезия ўзига хос характерли бўлиб, чуқур биологик маънога эга, чунки бу ҳолатда минерал бактериялар хаёт фаолияти ва ўсиши учун энергия манбаи - субстратдир. Шунингдек, бактериялар микробиологик танлаб эритишда нафақат минерал субстрат юзасида мустаҳкамланади, балки пульпанинг суюқ фазасида мавжуд бўлиб, у ерда оддий темир оксиди ва элементар олтингугуртни оксидлашини инобатга олиш керак. Қаттиқ фаза ва суюқ фазада жойлашган биомассанинг оксидлаш фаоллигини аниқлаш бу фазада микроорганизмларнинг бажараётган роли хақида тасаввур олиш имконини беради.
Олтинмаргимушли концентратларни бактериал танлаб эритишда пульпанинг суюқ фазасида жойлашган микроорганизмлар томонидан, яъни “эркин сузувчилар”, пульпа билан ютилувчи кислороднинг умумий миқдоридан 1% дан кўп бўлмайди.
Пульпанинг суюқ фазаси таркибида 10⁸ - 10⁹ кл/мм миқдорда бўлган бактериялар учун субстрат ҳисобланган темир занги концентрацияси темирнинг умумий миқдоридан фақат 5% нигина ташкил қилади, шу вақтнинг ўзида оксидли темир миқдори 10-15г/л га етади. Шунинг учун пульпанинг суюқ фазасининг кислород истеъмоли темир оксиди сульфатини сульфидли минераллар юзаси билан кимёвий таъсири натижасида эритмага ўтган темир зангининг бактериал оксидланиши билан боғлиқ. Бу бактериялар потенциал фаол бўлиб оксидланувчи субстрат мавжудлигида оксидлашда иштирок этишга қодир.
Бактериал танлаб эритишда истеъмол қилинувчи кислороднинг деярли ҳаммаси (95%) сульфидли минералларни тўғридан тўғри оксидлашда уларга бириккан хужайралар томонидан сарфланади.
Минераллар юзасига бактериялар жуда мустаҳкам маҳкамланади. Олтинмаргимушли концентратларни бактериал танлаб эритишда уч марта ювгандан кейингина кислород истеъмоли бор йўғи 1,16 мартага пасайди.
Олтинмаргимушли концентратларни бактериал танлаб эритишда пульпанинг қаттиқ фазасида одатда 70-80% га яқин хужайралар бирикади ва фақат 20-30% и суюқ фазада эркин “сузади”. Танлаб эритилувчи концентратни умумий юзасининг 15-16% сорбцияланган бактериал хужайралар эгаллаган, шунда улар ўзлари адаптация бўлган арсенопиритда анча фаол сорбцияланади. Тўхтовсиз танлаб эритишда қаттиқ фазада бактериялар мувозанат концентрациясига 20 минутда эришилади. Адаптацияланган культурани қўллаш сорбцияланган хужайралар миқдорини умумий миқдорга нисбатан 8 дан 95% гача кўпайтиради.
Сульфидли минералларни бактериал оксидлаш ва танлаб эритиш механизмини ўрганишдан олдин минерал субстратлар оксидланиши учун характерли асосий термодинамик қонуниятлар қўлланилади. Бу мақсадда қўлланиладиган Пурбэ диаграммалари (-pH) системанинг рН муҳит катталиги, минерал потенциали ва муҳитда термодинамик барқарор холатларини аниқлашга имкон беради.
Пирит, арсенопирит ва пирротиннинг бактериал танлаб эритиш шароитида термодинамик ҳолатининг таҳлили, шунингдек электрокимёвий ўзгаришлар микроорганизмлар бактериал танлаб эритишда сульфидли минераллар кристаллик панжара элементларини уларни ферментлари биокаталитик хоссалари туфайли бевосита оксидлайди. Сульфидли минералларни фаол бактериал оксидлаш ва танлаб эритиш соҳасида улар термодинамик ўзгарувчан ва А.ferrooxidàns микроорганизмлари хаёт фаолиятини таъминлаш учун керакли эркин энергия заҳирасига эга бўлиб, улар 12 ккал кам бўлмаган эркин энергия чиқиши билан борувчи реакцияларда иштирок этади.
Арсенопиритни бактериал танлаб эритишда оксидли темир ҳам эритмада, ҳам чўкмада тўхтовсиз йиғилиб боради. Уни концентрациясининг кўпайиши арсенопирит оксидланишида ҳосил бўладиган темир зангини бактериал оксидланиши билан тушунтирилади.
2Fe₂SO₄ + H₂O + 0,5O₂Fe₂(SO₄)₃ + H₂O. (19)
Арсенопиритни бактериал оксидлашда муҳитнинг кислоталилиги олтингугурт нордон эритмаларидан гидроксид (рН 2,3) шаклида темир чўкишидаги рН га қараганда паст, шунинг учун маълум концентрацияга етиш учун олтингугуртли оксидли темир гидроксид олтингугуртни нордонлаштириш билан бир вақтда чўкмага тушувчи ҳосил бўлиши билан гидролизланади:
Fe₂(SO₄)₃ + 6H₂O 2Fe₂(OH)₃ + 3H₂SO₄. (20)
Бундан ташқари темир оксиди маргимуш билан темир арсенатлари ҳосил қилиши мумкин, улар ҳам чўкмага тушади, аммо бу рН муҳитнинг темир чўкишига нисбатан паст кўрсаткичларида амалга ошади.
Ҳосил бўлган чўкиндида темир асосан уч валентли шаклда жойлашади. Масалан, тоза арсенопирит бактериал танлаб эритилганда унинг чўкмадаги миқдори темирнинг эритма ва чўкмадаги умумий таркибидан 50% дан ортиқ. Эритмада темир зангининг миқдори биомасса зичлиги ва унинг фаоллигига боғлиқ. Бакирчик кони концентрати бактериал танлаб эритилганда биомасса зичлиги 2,5 г/л ва унинг фаоллиги 3 – 4 г/лч бўлганда икки валентли темир миқдори темир умумий таркибида 2 – 10% дан ошмайди.
Арсенопиритни бактериал танлаб эритишда маргимуш эритмага ва чўкмага ҳам уч, ҳамда беш валентли шаклда ўтади. Эритмада у асосан о-арсенатли ва о-арсенитли шаклда бўлади. Чўкмада маргимуш миқдори эритма рН кўрсаткичи, концентрацияси ва эритма таркибидаги маргимуш ва темир валентлигига боғлиқ. Агар эритмада As³⁺ нинг As⁵⁺ га нисбати 5:1 ташкил қилса, унда эритмада бу нисбат 2,5 : 1 га тенг, йиғинди темир ва йиғинди маргимуш нисбати чўкмада 1,1 : 1, эритмада 0,9 : 1.
Олтинмаргимушли концентратлар фаоллиги 6 г/л^.ч бўлган биомасса билан танлаб эритилганда маргимуш кўпинча беш валентли шаклда бўлади. Ўрта ҳисобда 75% дан ортиқ маргимуш эритмада бешвалентли маргимуш бирикмалари шаклида қатнашади.
Чўкмадаги маргимуш миқдори ва рН катталиги орасидаги боғлиқлик анча аниқ кузатилади, бу боғлиқлик танлаб эритиш вақти билан ўзгариб боради. Танлаб эритишнинг биринчи соатларида чўкмадаги маргимуш миқдори кислоталилик кўпайиши билан камаяди ва рН 1,6 дан камайганда деярли барча маргимуш эритилган ҳолатда бўлади. Аммо кейинчалик, пульпада органик моддалар ва маргимуш кўп миқдорда тўпланса чўкмада унинг таркиби 15 г/л га етади, муҳит кислоталилиги кўпайиши билан унинг чўкмадаги миқдори ортади ва танлаб эритилган маргимушни умумий миқдоридан 80% гача етиши мумкин.
Арсенопиритни ва олтинмаргимушли концентратни бактериал танлаб эритиш шароитида сульфидли олтингугуртни ўзгариши ўрганилганда аниқланишича, пульпада элементар олтингугурт тўпланиши рўй бериб, жараён сўнгида унинг миқдори танлаб эритилган олтингугуртнинг умумий миқдоридан 60% гача (арсенопирит бактериал танлаб эритилганда) ва олтинмаргимушли концентрат бактериал танлаб эритилганда 30-40% гача етиши мумкин.
Шунингдек, олтингугуртнинг оралиқ бирикмалари (20% гача) йиғилади, аммо уларнинг таркиби жараён охирига келиб сульфат-ионгача оксидланиши ҳисобига камаяди.
Кимёвий ва бактериал оксидлашда арсенопиритда ҳосил бўлаётган маҳсулотлар таркибида катта фарқ кузатилади. Кимёвий оксидлаш арсенопирит юзасида гетит HFeO ёки гидрогетит HFeO₂ ^. nH₂O ҳосил бўлишига олиб келади, улар уч валентли темир гидроксидидан намуналар қуритилганда ҳосил бўлган ва унинг миқдори юзадаги бирикмалар умумий миқдорини 30-40% ташкил қилади, уларнинг ичида элементли олтингугурт (10%) иштирок этмоқда. Шундай қилиб кимёвий оксидлаш жараёнида арсенопирит юзасида темир оксидининг сульфати ҳосил бўлиб, унинг бир қисми ва элементар олтингурт эритмага ўтади. Кимёвий оксидлаш жараёни бунда деярли тугайди.
Арсенопиритни бактериал оксидлаганда унинг юзасида асосий маҳсулот элементар олтингугурт бўлиб, энди унинг миқдори 50%, яъни кимёвий оксидлашга қараганда 5 марта кўпни ташкил қилади. Бу элементар олтингугурт бактериялар билан SO₄^2- гача, темир занги оксидгача оксидланиши каби оксидланади.
Шундай қилиб, сульфидли минераллар юзаси билан микроорганизмлар ўзаро таъсирлашганда сульфидлар оксидланишининг ягона қаттиқ маҳсулоти – элементар олтингугурт ва темир занги ҳосил бўлади, кейин улар минерал юзасида ва эритма ҳажмида бактериялар билан оксидланади.
Шунингдек, арсенопирит бактериал оксидланганда ҳосил бўлган элементар олтингугурт стандарт олтингугуртнинг орторомбик тузилишидан фарқли кристаллик тузилишга эга эканлиги белгиланган. Бу олтингугурт  - олтингугурт, ўхшаш  - селен модификацияси деб номланган. Элементли  -олтингугурт Португалиянинг иссиқ олтингугуртли булоқларида топилган бўлиб, унда тионли термофил бактериялар иштирок этади.
қилиб, бактериал оксидлаш ва танлаб эритиш жараёнини икки циклга бўлиш мумкин, улар ўзаро жуда чамчарчас боғлиқ реакциялар кечиши билан боғлиқ. Биринчи цикл – минераллар кристаллик панжараси элементларининг бевосита оксидланиши бўлиб, у кимёвий агентлар – кислород ва темир оксиди ҳамда бактериялар ферментатив тизими иштирокида боради. Бу оксидланишда минерал деструкцияси рўй беради, яъни у танлаб эритилади. Иккинчи цикл – сульфидли минералларни танлаб эритиш маҳсулотлари – темир занги ва элементар олтингугуртни бевосита бактериал оксидлашдир.