Ўзбекистон республикаси олий ва ўрта махсус таълим вазирлиги гулистон давлат университети

 
15-Маъруза
АЭРОЗОЛЛАР 
Суюқлик ёки қаттиқ жисм заррачаларининг газ мухитида (масалан, 
хавода) тарқалиши натижасида ҳосил бўлган микрогетероген дисперс 
системалар аэрозоллар деб аталади. Барча аэрозоллар табиий ва техник 
аэрозоллар деб иккига бўлинади. Табиий аэрозоллар ер атмосферасида 
содир бўладиган турли туман жараёнлар натижасида келиб чиқади. Техник 
аэрозоллар инсоннинг ишлаб чиқариш фаолияти туфайли пайдо бўлади. 
Саноатда пайдо бўладиган аэрозоллар, кўпинча инсон саломатлигига 
салбий таъсир кўрсатади ва табиатга хам зарар етказади. Щу сабабли 
техник аэрозолларни йўқотиш илм ва фан хамда жамият олдида турган 
актуал масалалардан бири бўлиб хисобланади. Лекин қишлоқ хўжалигида 
экинларга сепиладиган, саноатда буёқ сифатида ишлатиладитан сунъий 
аэрозоллар кўпчилик холда мехнат унумдорлигини оширади. Масалан, 
сунъий аэрозоллар баъзи касалликларни ингаляциялаш йули билан 
даволашда қарийиб 100 йилдан бери ишлатилиб келинади. 
Аэрозоллар хам худди бошқа дисперс системалар сингари 
дисперслаш ва конденсатлаш усуллари билан ҳосил қилинади.
Аэрозолларни суюқ коллоид системалардан ажратиб турадиган 
асосий кўрсаткичи шундан иборатки, газ муҳитда молекулаларнинг эркин 
харакат узунлиги аэрозол дисперс фаза заррачалари диаметридан катта 
бўлиши мумкин. 
Аэрозоллар хам маълум электрокинетик хоссаларга эга. Чунки 
қутубли суюқлик ҳавода сачратилганида унинг майда томчилари ҳаводаги 
манфий ёки мусбат ионларни ҳам ўзига олиб, томчи мусбат ёки манфий 
зарядли бўлиб қолади. 
Аэрозоллар оптик ҳоссалари жиҳатидан лиозоллар бўйсунган 
қонунларга бўйсунади. Аэрозолларнинг дисперсион муҳити билан 
лиозолларнинг дисперсион мухити зичлиги ва ёруғликни синдириш 
коэффиценти жиҳатидан бир-биридан кескин фарқ қилади.
Аэрозоллар заррачаларининг иссиқ жисм атрофида содир бўладиган 
ҳаракати термофорез деб аталади. 
Аэрозол кучли равишда ёритилганда содир бўладиган ҳодиса 
фотофорез деб аталади. Фотофорез мусбат ва манфий бўлиши мумкин. 
Мусбат фотофорезда заррачаларининг ҳаракати ёрурлик манбаидан 
бошланади, манфий фотофорезда эса аксинча, заррачалар ҳаракати ёруғлик 
манбаи томон йўналган бўлади. 

---

47 
Аэрозол дисперс фазаси заррачаларининг совуқ жисмлар сиртига 
қамралиб қолиши термопрецепитация деб аталади. Ана шу ходиса туфайли 
печь, радиатор яқинидаги де ворларда чанг-тўзон ўтириб қолади.