Ўзбекистон республикаси олий ва ўрта махсус таълим вазирлиги гулистон давлат университети

Ишнинг мақсади ва вазифалари.
Ушбу 
битирув-малакавий 
ишда Қадимги Месопотамиядаги Аккад, Шумер, Аморийлар давлатларидаги 
иқтисодий, ижтимоий ва сиёсий аҳволни тарихий-археологик манбалар ва 
адабиётлар асосида кўрсатиб беришни ўз олдимизга мақсад қилиб қўйдик.
Шундан келиб чиқиб қуйидаги вазифаларни белгилаб олдик: 
- Қадимги Месопотамия тарихига назар солиб, унинг жаҳон 
цивилизацияси тарихидаги ўрнини очиб бериш; 
- энг қадимги даврларда Месопотамияда мавжуд бўлган Хассун, 
Самара, Халаф маданиятлари ҳақида тушунча бериш; 
- Эль Убейд маданиятининг икки дарё оралиғида тутган ўрнини 
алоҳида ўрганиш; 
- Ассирия ва Қадимги Бобил подшоҳлиги даври ҳақида маълумот 
келтириш, 
- Аккад, Шумер ва Аморийлар давлатлари даврида Месопотамия 
тарихини таҳлил қилиш; 

---

7
- Хаммурапи қонунларининг Месопотамия цивилизацияси тарихидаги 
ўрнини очиб бериш; 
- Қадимги Месопотамия маданияти ҳақида тушунча бериб, унинг 
ютуқларини очиб бериш ва жаҳон цивилизацияси тарихидаги ўрни тўғрисида 
тўхталиб ўтишни лозим топдик. 
Ишдаги янгилик ва эришилган натижалар. Қадимги Месопотамия 
давлатчилигининг илк босқичлари милоддан аввалги 6-5 мингйилликларга 
тўғри келиши ҳақида далолат берувчи Хассун, Самарра, Халаф, Эль-Убейд 
маданиятлари ва уларга оид археологик далилий ашёларни ҳар томонлама 
тавсифлаш, таҳлил қилиш ва ўрганиш қадим дунё тарихи, қадимги 
цивилизациялар тарихини ўрганишда муҳим касб этади. Шунингдек, Аккад, 
Шумер, Аморийлар, Ассирия давлатларидаги маданият тарихи бу даврдла 
яратилган нодир ёдгорликлар аҳамиятини очиб беришга ҳаракат қилдик. 
Қадимги Месопотамияда жорий этилган Хаммурапи қонунларининг ўрни 
очиб берилади. Умуман олганда, маълумотларни умумлаштириб, яхлит бир 
тизимга келтиришга ҳаракат қилдик. Бу ҳақда ўзбек тилида манба ва 
адабиётлар йўқ бўлиб, битирув-малакавий ишда келтирилган маълумотлар 
янгилик ҳисобланади.