Ўзбекистон республикаси олий ва ўрта махсус таълим вазирлиги фарғона политехника институти

Boshqarish jarayonining sifatini aniqlash. Boshqarish jarayonining sifatini tahlil qilish usullarini asosan ikki guruhga bo‘lsak bo‘ladi. Birinchi guruhga o‘tish jarayoni egri chizig‘i bo‘yicha bevosita sifatini baholash (avtomatik tizimlarining diffe­rensial tenglamalarini integrallash usullari), ikkinchi guruhga esa bilvosita qo‘shimcha usullar (sifat mezonlari) kiradi. Bevosita usullar differensial tenglamalarni echishni talab qiladi; qo‘shimcha usullar esa differensial tenglamalarni echmasdan turib jarayonning sifatini ayrim ko‘rsatgichlarini aniqlash imkoniyatini beradi.

Boshqarish jarayoniga bir necha xil ko‘rinishdagi talablar qo‘yiladi. SHulardan biri grafik talabdir. Grafik talabda shunday bir oraliq belgilanadiki, undan tashqariga boshqariluvchi o‘zgaruvchi tizimga ta’sir qiluvchi har qanday real ta’sirda ham chiqib keta olmaydi. SHu berilgan oraliqning asosiy parametrlari bo‘lib o‘tish jarayoni vaqti t_s, berilgan qiymat h_b, xatolik ∆ va boshqarilayotgan o‘zgaruvchining maksimal darajada ortib ketishi h_max sanaladilar. Belgilangan, talab qilinayotgan sifat oralig‘i yoki berilayotgan ta’sir bo‘yicha boshqarilayotgan o‘zgaruvchining belgilangan qiymati yon-verida bo‘ladi, yoki berilayotgan ta’mir bo‘yicha xatolikni ko‘rsatuvchi chiziqqa nisbatan bo‘ladi (23.3 - rasm).




23.3 - rasm